Qasje
Gazetaria
në "Unmikistan"
Zejnulla
Jakupi, Berlin
Është një rast i rrallë në historitë
e gazetarive moderne kur bashkëpunëtorët botojnë
shkrime në gazeta dhe nuk marrin honorarin e tyre. Kjo e vërtetë
që thuhet këtu është një realitet që
akoma nuk vret ndërgjegjen e atyre që lejojnë një
epilog të këtyre raporteve pradoksale. Ndoshta pikërisht
ndodh kjo për mungesë të një rregulloreje për
pagesa e cila mund të jetë e vetmja rrugëzgjidhje
që të ndërpritet ky makth në shtypin tonë
njëherë e përgjithmonë.
Në
vitin 1999 kur për herë të parë shkrova një
shkrim në revistën Pasqyra e formulova tezën se gazetaria
në Kosovë është një "fryt i kalbur".
Që nga ajo kohë janë bërë ndryshime të
mëdha.Teza e parashtruar nuk mund të përgjithësohet,d.m.th
ajo nuk vlen për të gjithë redaksitë. Në
bazë të ndryshimeve të vazhdueshme,ndryshimeve pozitive
që kanë ndodhur në mediat, si në ato elektronike,
poashtu edhe në ato të shtypit,si rezultat të këtij
zhvillimi sot në vitin 2002 kemi tri televizionet e mëdha,
si televizioni publik RTK, pasataj televizionet komerciale RTV21
dhe KTV.Poashtu kemi një numër të madh të radiove,kanaleve
televizive lokale, shtatë gazeta ditore dhe disa revista publike,
siç janë Zëri, Pasqyra, Ekskluzive, Interesi Nacional,
Opinioni i tretë ,Kosovarja etj. Ky zhvillim i hovshëm,
padyshim, na jep të kuptojmë se tek një popull me
popullësi prej 2 milion banorësh kemi një përfaqësim
relativ të mjaftueshëm të mediave elektronike dhe
atyre të shtypit.
Redaksitë
dhe bashkëpunëtorët "e lirë"
Kjo
çështje është e lënë anash e sidomos
tek mediat e shtypit,siç janë gazetat ditore dhe revistat
që botohen në Kosovë të cilat shpërndahen
edhe në diasporë. Fakti pse rregullimet ligjore që
pëforcojnë bashkëpunimin kanë ngelur në
mediat e shtypit, ka të bëjë edhe me tendenca të
zhvillimit.Kjo ka ndodhë, në veçanti falë
mosangazhimit të institucioneve ndërkombëtare që
janë tëakorduara në Kosovë, të cilat më
tepër kanë ndikuar që të ketë struktura
të tilla të organizimit tek mediat elektronike ku ata
kanë formuar bordet që kujdesen në dhënijen
e licencave, apo në trajnimin e gazetarëve se sa që
kanë bërë përpjekje për të institucionalizuar
mediat e shtypit.Këtu bëjnë pjesë disa çështje
si definimi i statusit të redaktorëve, gazetarëve-
dhe bashkëpunëtorëve të lirë.Në këtë
rast të drejtat dhe obligimet do duheshin të ligjësoheshin
në Pressekodeksin e Shoqatës së Gazetarëve të
Kosovës.
Bordi
përkatës i përbërë nga ndërkombëtarët
dhe vendorët simbolikë nuk është marrë
akoma me probleme konkrete.Shumica e bashkëpunëtorëve
,por edhe gazetarët e lirë të cilët punojnë
për mediat e shtypit konfrontohen shpesh me probleme të
natyrës praktike siç ëstë ai pagesave.Angazhimi
i Bashkësisë Ndërkombëtare në këtë
drejtim e ka zmadhuar edhe më këtë trajtim.Zbrazëtia
e tillë ndikon,drejtëpërdrejtë në zbehjen
e praktikës profesionit dhe pengon dukshëm vënjen
e gazetarisë në nivel me profesionet klasike.
Rregullorja
e pagesave
Ndëgjohet
shpesh duke u thënë nga kryeredaktorët që trumbetojnë
për redaksitë e tyre se ata i kanë të rregulluara
çështjet e pagesave në mënyrë formale
nën mantelin e ashtuquajtur rregullore të mbrendshme.
Në shumtën e rasteve kryeredaktorët apo edhe editori
e përdorë këtë vetëm një taktikë
farse.
Në
vende ku gazetaria ka një traditë si në Gjermani,
SHBA, Angli etj,redaksitë kanë rregullore të mirfillta
për pagesat. Pagesat tek ato nuk kushtëzohen vetëm
marrëveshje paraprake mes basshkëpunëtorëve
të lirë dhe redaksisë.Ne këto vede pagesa është
e detyrueshme edhe nëse nuk ka marrëveshje paraprake.Ndërsa
tek ne ndodhë që redaksitë ta mohon pagesën,
edhe pse ta boton shkrimin, Padrejtësi të natyrës
korruptuse,bëhen edhe për shkrimet e botuara".Kontradiktat
e këtyre gazetave janë të mëdha.Ato në
njërën anë pretendojnë të jenë "
kombëtare " e "profesionaliste", në anën
tjetër i shkelin rregullat më fillore gazetareske.
Kundër
këtyre manifestimeve fare pak ka mundësi të reagohet
më së paku nga jashtë. Shoqata e Gazetarëve
apo Agjencia e Autorëve nuk janë institucione që
detyrojnë redaksitë që të paguajnë bashkëpunëtorët
në rastet kur redaksitë i boton shkrimet e tyre. Përkëtë
bashkëpunëtorët gjenden në një pozitë
të palakmuar.Ata nuk kanë mundësi as institucion
ku të ankohen. Shoqat e Gazetarëve nuk ka mekanizma që
të veprojë.Ajo nuk ka bërë përpjekje të
bëjë rregulla të unjësuara për të
gjitha redaksitë si sindikatë legjitime, siç vepron
shoqata e gazetarëve në Gjermani,DJV(Shoqata e Gazetarëve
të Gjermanisë ) e cila ka rregullat e njësuara për
pagesa ku definohet shumë qartë çmimi për
gazetat ditore dhe revistat.
A-ZH:
Kush quhet gazetar në Perëndim
Para
se të japim mënyrën e pagesës që e bënë
Shoqata e Gazetarëve Gjermane(DJV-Deutsche Jurnalisten Verband),
është e rëndësishme të bëhet diferencimi
me termat redaktor,gazetar i lirë dhe bashkëpunëtor
i lirë. Së pari,gazetari, në përgjithësi,
është një punonjës krijues në masmedia.
Në enciklopeditë e ndryshme profesioni i gazetarit merrë
një shtrirje të gjerë kuptimore. Në radhë
të parë kemi gazetarin redaktor, një punonjës
efektiv i një redaksie që drejton një gazetë
apo revistë ose një emision telviziv dhe përgatit
lëndën për botim.
Në
kuptimin profesional sipas profesorit Hamdi Boriçi (Gazetaria
e botuar në Tiranë 2000 fq.127-131), redaktori përceptohet
si gazetar profesionist, pra si një punojës krijues në
një redaksi masmediale. Sipas tij detyra e redaktorit është
pra të shkruaj dhe të redaktoj materialet e llojeve të
ndryshme në gazetë dhe në një aspekt ai punon
me kontratë që jep përgjegjësi departamentit
perkatës.Pagesat për redaktorin, normalisht janë
më të mëdha se ato të bashkëpunëtorëve.Kjo
vlenë edhe në vendet përëndimore.Edhe pse diferencat
nuk janë aq të mëdha megjithatë dallimet egzistojnë.
Së
dyti, termi i gazetarisë perëndimore zakonisht është
i institucionalizuar. Gazetari i lirë i cili punon për
të përditshmet, televizionet dhe agjencitë e informacionit.Gazetari
me status profesional i lirë është i lirë jo
vetëm për të siguruar mjete jetese por edhe për
profesionalizëm dhe hapsirën e kufizuar që e ka ai
në mjetet e informimit.Gazetarët e lirë kategorizohen
në gazetarë të lirë profesionist dhe në
ata të "lirë" joprofesionist që për
pikëpamje rrethana të caktuara parapëlqejnë
në profesionin e lirë. Në dallim nga ata që
quhen "bashkëpunëtorët" gazetarët
e lirë aktivizohen me marrëveshje kontraktuale me redaksitë,
prej të cilave rrjedhin të drejtat e detyrimet reciproke.
Së
treti, kemi bashkëpunëtorët e lirë joprofesionistë
që punojnë për mediume të ndryshme në këtë
rast për mediat e shtypit,janë të lirë për
të zgjedhur gazetën dhe temën në aktivitetin
publicistik, për të cilin ata shkruajnë. Ata janë
të lirë në zgjedhjen temave dhe nuk janë të
detyruar tu nënshtrohen pikëpamjeve apo kornizave politike,
afateve kohore apo konjukturave të caktuara siç bëjnë
redaktorët dhe gazetarët e lirë.Ajo që është
e detyrueshme apo e obligueshme për të gjithë redaksitë
është ,padyshim, pagesa për të gjitha kategoritë
pa përjashtime.
Si
paguhen gazetarët në Kosovë?
Sipas
rregullores të DJV-së pagesa bëhet në rreshta
por edhe në mënyrë paushalle për faqe sipas
tirazhit të gazetës.
Honorari për një tekst lajmesh në gazetat gjermane
(për gazetarët në mardhënie pune me një
tirazh prej 10.000 copë paguhet për çdo rresht
(nëse rreshti ka jo më pak se njëzetë dhe jo
më shumë se dyzetë shkronja) nga 97 fenig .Ndërsa
për reportazhet,eset etj në gazetat me të njëjtin
eksemplarë paguhet 119 fenig.Ky çmim natyrisht rritet
për gazetat ditore që kanë tirazh mbi 250.000.Në
këto raste është tepër e rëndësishme
se a është botuar punimi për herë të parë
apo për së dyti, siç ndodh meshkrimet ekskluzive.
Edhe
çmimet për revistat kanë hirarkinë e tyre
duke filluar nga 10.000 ekseplarë ku paguhet për 1/8 faqe
100 DM dhe për 2/1 faqe paguhet 400 Marka gjermane.Për
revistat nga 250.000 eksemplarë 110 dhe për 2/1 480 DM
dhe kështu vazhdohet deri me revistat që kanë mbi
1 milion ekseplarë ku për 2/1 faqe do të paguhet
1360 DM e kështu me radhë.
Poashtu
egzistojnë edhe honoraret të veçanta ku për
dy shtylla (kolumne) në një revistë me nga 250.000
eksemplarë paguhet deri në 100 DM,ndërsa për
një faqosje deri në 150 DM . Rregullorja për pagesat
e gazetarëve dhe bashkëpunëtorëve të lirë
siç theksuam fare pak dallon nga ajo e gazetarëve në
mardhënie pune;Llogaritja e honorarit bëhet me faqe,por
edhe me rreshta,d.m.th për një rresht në revista
paguhet 221 fenig.Ndërsa llogaritja e honorarit sipas faqeve
për gazetat është nga 310-deri në 1250 bazuar
në ekseplarë dhe për revistat poashtu që nga
620 deri në 2300 DM.
Tirazhi
i gazetës në masë të madhe cakton edhe çmimin
e pagesave ndaj redaktorëve, gazetarëve të lirë
porë edhe ndaj bashkëpunëtorëve.Një gazetë
kosovare, që ka një eksemplarë 25.000 copë ashtu
siç pohohet për gazetën ditore Koha Ditore apo
Bota Sot, nuk mund të paguajë honorare sa një gazetë
që nuk arrinë dhjetëmijshin.
Redaksitë
ende pa kontrata pune
Duke
i marrë parasysh këto zhvillime në Kosovë përpjekja
që të përforcohet statusi i profesionit të ri,të
gazetarisë nuk duket askund në horizont.Kjo bënë
që në momente kur gazetari i shkruan një redaksie,
atij përherë mund ti mohohet pagesa standarde dhe e sigurtë.
Në të njëjtën pozitë shpesh gjinden edhe
redaktorët. Sipas deklarimit të disa redaktorëve
në Prishtinë të cilët punojnë në redaksi
të ndryshme me të cilët ka kontaktuar autori i këtij
shkrimi kanë folur në kushte anonimiteti se ata nuk njohin
kontratat e punës nga redaksitë për të cilën
ata punojnë. Për shkaqe të ruajtjes së burimit
të informacionit ne këtu nuk do të japim emërin
por as redaksinë se ku po realizohen praktika të tilla
të tejkaluara.
Dhe
ky argument, padyshim, është një e vërtetë
që na bënë të kuptojmë se gazetarët
kosovarë ende janë në një pozitë të
palakmueshme, të pa formuar në mënyrë institucionale.Në
këtë rast botuesi mund të luajë me të drejtat
e gazetarëve.Me aplikimin e kontratave të punës,tani
ka ardhur koha që edhe në gazetari të bëhet
një reformë rrënjësore.Në opinionin kosovar
duhet,parasëgjithash, të thyhen disa çështje
tabu.Për shembull,shpesh ndodhë që një redaksi
boton shkrimet, jo ato që me të vërtet prekin temat
thelëbësore,por më tepër ato që i shkojnë
për shtati editorit për të nënshtruar imazhin
e televizionit apo gazetës tjetër.Ky fenomen vrehet edhe
te gazetat e njohura që mbahen si të pavarura ku psh.
tolerohet një shkrim që i konvenon botuesit sepse aty
kritikohet RTK pse bënë reklama. Ndërsa censurohet
apo nuk botohet fare shkrimi s´paku as në rubrikën
si letër lexuesi për temën që po shjellojmë
në revistën Pasqyra.
Ajo
që ka ndodhur dhe që po ndodhë me rregulloren për
pagesa,është tepër tragjike. Fajin për këtë
trend duhet kërkuar në radh të parë tek kosovarët,
por njëashtu edhe tek ndërkombëtarët e zakonisht
tek Departamenti për Media dhe tek Ferderata e sapoformuar
e Gazetarëve të Kosovës, e cila deri më tani
nuk pati fatin që ta ketë fjalën e vet insitucionale
dhe në një mënyrë t´i detyrojë redaksitë
të punojnë sipas regullores kur kemi të bëjmë
me kontratat, mënyrën e pagesës apo detyrimet etike
në hulumtimet gazetareske, ndihmat financiare etj.Fakt është
se Shoqata që nga periudha e pasluftës është
riemëruar dy herë, nga Shoqata në Ferderatën
e Gazetarëve të Kosovës.Janë dryshuar personat
në udhëheqje,por nuk është bërë asnjë
ndryshim kapital sa i përketë çeshtjeve që
përmendëm më lartë.Shoqata ende nuk ka postë
elektronike,ajo nuk ka lokale të volitshme, gazetën zyrtare
etj.
Fajtorë
edhe ndërkombëtarët
Për të arriturat e saja,nuk do koment,këtë e
tregon statusi i gazetarëve të lirë,i cili mbetet
"një lëvozhgë e ngurtësuar" mbi të
cilën nuk mund të ngriten themele të shëndosha.Me
dhjetra nene dhe paragrafe nga Bordi i Mediave, por asnjë fjalë
për rregullore pagesash.
Me
sa dihet,ndërtimi i institucioneve dhe ndihmesa tjera në
fushën e mediave që duhet t'i realizojë Bashkësia
Ndërkombëtare nuk kanë të bëjnë vetëm
me krijime bordesh dhe dhënje të licensave për emitim.Gjysëmpunët
e arritura nga Departamenti për Çështje të
Mediave janë vetëm disa nga këto detyra.Padyshim
OSBE-ja dhe Bordi për Media ka mundur të bëjë
diç më shumë edhe në këtë drejtim,
ashtu siç ka bërë në zhvillimin e mediave
të pavarura,trajnimin,në asistencë teknike,në
rekrutim të drejtorëve dhe punëtorëve për
media publike.OSBE-ja ka krijuar poashtu Komisionerin e përkohshëm/kalimtar
për Media- "një organ i pavarur" i cili shërben
si autoritet rregullativ për media dhe punon drejt implementimit
të një sistemi të përsosur për media.
Nuk
ka dyshim se prej të gjitha zgjidhjeve të tilla me prerje
autoritative,faktori i statusit dhe aplikimi i rregullores për
pagesa, duket zgjidhja më e vështirë, prandaj edhe
më utopike. Ky status quo ka ndikim drejtëpërdrejtë
edhe tek një numër i madh i bashkëpunëtorëve
tanë me veprim në diasporë.Në raste të
tilla ata e kanë tepër të vështirë t´i
plotësojnë kushtet për tu pajisur me letërnjoftim
të gazetarit.
Imazhi
i bashkëpunëtorëve falë këtyre heshtnive
është i veshur me pamje të turbullt,por jo nga faji
i tyre.Aktiviteti publicistik tek bashkëpunëtorët
kosovarë në diasporë,është madje në
njëfarë mënyre e kundërt me statusin e të
gjithë gazetarëve të lirë anë e kënd
botës.Ta zëmë, për të fituar një letërnjoftim
gazetaresk në Gjermani duhet dëshmi se jeni bashkëpunëtor
i ndonjë mediumi dhe fiton s'paku 360 Euro në muaj.Të
jesh bashkëpunëtor i disa gazetave tona dhe të marrësh
letërnjoftim gazetaresk është tepër problematike,sepse
shumë nga bashkëpunëtorët,sipas dekleratave
të tyre nuk i plotësojnë kushtet për një
letërnjoftim të tillë. Ata në fakt i plotësojnë
(illegalisht). E para,sepse të bashkëpunosh dhe të
shkruash për një revistë,apo edhe shkrime të
tjera nëpër gazeta,është vështirë
të sigurosh shumën e caktuar për të fituar të
drejtën për letërnjoftim sepse revistat janë
mujore dhe asnjëra nuk të paguan për një shkrim
më tepër se 100 euro.Për këtë shkak nëse
autori nuk ka dëshmi se paguhet,d.m.th punon falas, nuk mund
të arrijë shumën as përafërt me atë
që kërkohet.Mundësia e dytë(ilegale) për
të marrë një letërnjoftim profesional është
të dëshmosh me shkrimet e botuara, pa dhënë
dëshmi nga gjirollogaria bankare se sa fiton nga aktiviteti
publicistik.
Ombudsmani
i " gjithanshëm"
E
ngjajshme është edhe çështja e ombudsmanit.Teoretikisht,
Ombudusmanit tonë Nowickit nuk i interesojnë çështjet
e gazetarëve.Ombudsmani ynë nuk ka lidhje me gazetari,p.sh
që dikush të ketë shansin të ankohet për
një padrejtësi që i bëhet atij. Roli i ombudsmanit
në Kosovë është i destinuar vetëm për
të drejtat e njeriut.Institucioni në fjalë nuk merrë
parasysh ankesat nga fusha e mediave dhe përkëtë
ky institucion nuk ka asnjë rregullore apo procedurë të
vlefshme që pranon shkresat me shkrim apo që mbron të
drejtat e gazetarëve.
Për
këtë, jetësimi i këtyre normave në shtypin
tonë duhet të jetë më tepër se një
dashje instinktive që duhet të jetë e shpallur dhe
e mbrojtur nga vetë Federata e Gazetarëve të Kosovës.Per
se mekanizmat e tilla duhet të vlejnë edhe për bashkëpunëtorët
tanë në "UNMIKISTAN".
|