Qasje
Kullerat
e Kosovës
(Artikulli
i nxjerrur prej internetit. Autori i panjohur le t'i lajmërohet
"Pasqyrës" për bashkëpunim të rregullt!)
Qe
tani e shumë kohë, rrugëve dhe lokaleve të Kosovës,
ose më saktësisht Prishtinës, mund të vërehet
një kategori e re njerëzish. Nuk ke nevoje për t'i
kërkuar shumë, ata dallohen menjëherë, ose më
mirë, si të thuash, dallohesh ti ,si të ishe ndonjë
jashtëtokësor, në rrethin e tyre. Këta shokë
dhe shoqe tona quhen, jo ndryshe, por, "Kullera". Mirëpo
kush-çka janë në të vërtetë "Kullerat"?
Definicioni
i disa anti-kullerave, si puna ime do të ishte kështu:
Kullerat! Racë e degjeneruar njerëzish, të cilët
deri dje ishin "qyrrana", kurse sot kanë veshur një
palë pantollonash të gjëra, i kanë rregulluar
flokët, kanë vënë syza të tipit "Star-Trek",
dhe flasin me zhargonin e tyre "Kull-be-njeri"! S'e kuptoj
ku është poenta? Ju do të thoni: "Me qenë
kull, be njeri!". Këta të vetëquajturit "kullera",
s'janë gjë tjetër veç degjenerim i karakterit
të tyre.
Marrim
një shembull konkret. Një kuller tipik, çfarë
karakteristikash ka, përveç pamjes së jashtme "moderne"?
Është menefregist, mendjemadh, snob, mban "qëndrim",
ose si thuhet në zhargonin e tyre "stav" (sikur nuk
ekziston kjo fjalë në shqip). Pasi jemi te gjuha, përdorin
gjithçfarë fjalësh të huaja, më e shpeshta
prej të cilave, është fjala multi-përdorimshe
"Fak!" (ang. Fuck). Them multipërdorimshe sepse përdoret
si emër, mbiemër, pasthirrmë, pjesëz fjale...
kjo mund të vërehet te shprehjet: "Fak, be njeri!",
"Qitma një fakin vishnje me nja tri-katër fakin ak'lla!",
"Një faking kohe...", "S'kam ç'a fakin'
me bo!"...
Mirëpo
jo gjithçka është e zezë. Kullerat flasin
edhe shqip. "Op, op, riqke taba i kullerit!" ( kul. "Po,
po, kqyre baba i kullerit"). Që tani e tutje gjuha shqipe
do të ketë tre dialekte: dialektin tosk, dialektin gegë
dhe "dialektin Kull-be-njeri". Mos u çuditni, kur
nesër, pasnesër, bëhet "Kongresi i ri i Manastirit",
për t'a aprovuar alfabetin e posaqëm për "kullera"!
Unë-
Kuller! Si hij'e trazueme,
trashëgimtar i modës dhe i "qendrimit",
endem rrugëve të kryeqytetit me "ujen" e zgjueme,
dhe me klithma t'paknaquna t'instinktit.
Vazhdojmë
më tutje. Sipas një definicioni që i bëhet një
të huaji (dmth që nuk është në rrethin
e kullerave), thuhet se kullera, quhen njerëzit të cilët
kanë hyrë në këtë frymën e re të
pasluftës, në të cilën, çdonjeri bëhet
sikur "s'ja n'in" për asgjë, për askend,
e shikojnë qejfin e vet, thonë se janë njerëz
pa komplekse (mirëpo në të vërtetë kanë
më shumë komplekse se sa njëri me probleme psiqike),
"nuk mërziten" as edhe kur i vdes ndokush në
familje, ngushëllojnë me "just keep staying cool,
be njeri!", ose "A u mërzite për tipin që
vdiq?" ( nuk e kuptoj se si një i moshuar mund të
thirret "Tip"), dhe pos të tjerash shumica "shmërkasin"
(kul: gërhasin drogë përmes hundës). (A është
kjo e fundit aq shumë e domosdoshme?)
Sidoçoftë
ky "sindrom" i rinisë ka hyrë edhe më thellë.
Për të hyrë në "kafiq", njeri duhet
të ketë ose kartelë, ose me qenë kuller. (Këto
kartela, sipas meje janë mekanizëm "filtrimi",
për të mirë apo për të keq, nuk ka rëndësi;
e rëndësishme është se këto "i ndajnë",
lexo "përçajnë", njerëzit në
"kullera" dhe "jo-kullera". Segregacion e jo
mahi.) Ku i dihet, ndoshta nesër, pasnesër, do të
hapen bukëpjekës, të cilët në hyrje të
dyqaneve të tyre do ngjesin pllakatën "Këtu
shesim bukë vetëm për KULLERA! Njerëzit e thjeshtë
blejnë dy hapa më poshtë". (Mirë që
në zgjedhje s'kishte ndonjë parti si PKK, Partia e Kullerave
të Kosovës, se mesiguri do t'a fitonte shumicën në
parlament.)
A
thua sa do zgjass kjo eufori e shoqërisë, veçanërisht
e rinisë? A do të arrijmë me të vërtetë
të përjetojmë shembullin e bukëpjekësit,
apo do mbërrijmë deri te "Kongresi i ri i Manastirit"?
Ose ndoshta, me anë të ndonjë mrekullie, i gjithë
ky fenomen do të mbarojë së shpejti? Na mbetet të
shpresojmë dhe të presim.
In
media res. Si do t'a qojmë shoqërinë përpara,
nëse që në rini ndahemi në klane, në "Kullera"
e "Bala". Kjo përçarje vjen që në
fazën embrionale ttë krijimit të karakterit. Dyluftimet
do të vazhdojnë, e ne do t'i shikojmë duelet: Kuller
- Bal, Lab - Malok, Qytetarë - Katundarë, Klan - Klan,
Parti - Parti... Dikush më thotë se i kemi partitë
e përçara, ndërsa unë i them se jemi të
përçarë që në rrënjë.
O'
Shqiptar! Trashigimtar i përçarjes dhe dyluftimit -
bashkohu!
Post
Scriptum. Kërkoj falje nëse ndonjë fjalë nuk
e kam shkruar mirë, gjegjësisht sipas rregullave të
drejtshkrimit "kulleristik"! Kurse ju "Kullera",
mos më shani, bëhuni sikur as edhe kësaj here "S'po
ju n'in". "Just keep staying cool, be njerëz!".
|