Ish-UÇK
në ofenzivë politike
BDI
PREMTON INTEGRIM TË PËRSHPEJTUAR
Shkruan:
Naser SELMANI
Ish-perfaqësuesi
politik i Ushtrise Çlirimtare Kombëtare të shpërbërë,
Ali Ahmeti, dhe bashkëpunëtorët e tij të ngushte
të luftës përfundimisht vendosën të formojnë
një parti të re politike shqiptare. Kuvendi themelues
i partisë u mbajt me pesë qershor në Tetovë,
e vendosën që partia të mbajë emrin: Bashkimi
Demokratik për Integrim.
|
Bërthamën
e BDI-së do ta përbëjnë ish-drejtues politikë,
komandantë e oficerë të lartë të Ushtrisë
Çlirimtare Kombëtare, si dhe intelektualë shqiptarë.
Disa prej këtyre të fundit gjatë luftës
e përfaqësuan UÇK-në në vendet perendimore.
Ideologu i partisë është Fazli Veliu, njëri
ndër veprimtarët e mërgatës shqiptare në
Perendim, i cili ndër të parët ishte kyçur
në formimin e Ushtrisë Çlirimtare të Kosovës
dhe pastaj edhe të Ushtrisë Çlirimtare Kombëtare.
Në kryesinë e partisë bënë pjesë
edhe ish-deputeti nga Kumanova Hysni Shaqiri, i cili pas krismave
të para në rajonin e Likovës, braktisi kolltuqet
e Parlamentit të IRJM-së (Ish-republikës jugosllave
të Maqedonisë) dhe iu bashkangjit UÇK-së.
Në kreun e partisë së Ali Ahmetit gjetën
vend edhe dy deputetë aktualë të PPD-së
në Kuvendin e IRJM-së, Rizvan Sulejamani nga Dërveni
i Shkupit dhe Azis Pollozhani nga Struga. Flitet se partia e
Ali Ahmetit pas regjistrimin formal në Kuvendin e Maqedonisë
do përfaqësohet me gjithsej pesë deputetë.
Bashkëpunim
i bllokuar
Vendimtare
që Ali Ahmeti u përcaktua të formojë parti
politike ka qenë bllokimi i punës së Këshillit
koordinues të partive shqiptare në IRJM, që
ishte formuar para dy muajsh e që ishte nxitur nga vetë
strukturat e UÇK-së. Ahmeti me Këshillin
koordinues deshi të vë në binarë të
shëndoshë veprimin politik të faktorit shqiptarë
duke ditur se problemet e shqiptarëve nuk kishin marrë
fund vetem me hedhjen e firmave të liderëve maqedonë
e shqiptarë në Marrëveshjen e Ohërit.
|
Sfidat
më të mëdha dihej se do të paraqiteshin gjatë
jetësimit të marrëveshjes, e cila duhej të mënjanojë
diskriminimin e thellë të shqiptarëve në vend.
Këshilli koordinues dërgonte një mesazh domethënës
dhe shumë të kulturuar për partitë shqiptare,
PDSH dhe PPD, por kjo porosi nuk u kuptua - apo nuk u desh që
të kuptohet.
Pas
luftës në Maqedoni, çdo gjë kishte ndryshuar.
Me gjërat nuk do të mateshin me kutet e vjetra. Erdhi
koha për politikë dhe politikanë të ri. Duhej
instaluar një mendësi e re dhe raporte të reja midis
maqedonasve dhe shqiptarëve. Nga kjo shumëkush prej klasës
politike shqiptare u ndje i rrezikuar. U shqetësuan edhe petritët
e pushtetit maqedon. U vu në lëvizje shumëçka
që të fundoset Këshilli koordinues dhe të mbahen
në jetë Xha Tomët shqiptarë. Dhe kjo ndodhi
- por me këtë nuk u fundos edhe ideja shqiptare. Lindi
partia e Ali Ahmetit.
Sdo
mend se ideja e Këshillit koordinues ishte fisnike, e as sdo
mend as se ajo do të dështonte doemos, për faj të
dy partive të mëdha shqiptare në IRJM. Ali Ahmeti
as që mund të priste diçka më konstruktive
nga to. Ai e kishte të qartë se për dështimet
politike të shqiptarëve të Maqedonisë, faji
në rend të parë u takonte partive shqiptare. Sikur
PPD dhe PDSH të ishin në shërbim të interesit
të shqiptarëve ashtu si trumpetonin publikish, të
drejtat që shqiptarët i fituan me luftë do të
realizoheshin në rrugë paqësore. Këto dy parti
shqiptare gjatë dhjetë viteve të fundit më tepër
u shërbyen nacionalistëve maqedonë, se sa elektoratit
shqiptar.
Shqiptarët
kundër shqiptarëve
Lufta
dhe paraqitja e Ali Ahmetit i zuri maqedonasit gafil. Ajo i trembi
edhe puthadorët shqiptarë, që shtireshin si patriotë,
por që në fakt kishin rënë në gjumë
qëmoti. Jorastësisht në fillim të luftës
në Tanushë, më të ashprit në dënimin
e UÇK-së qenë mu shqiptarët në qeverinë
e IRJM-së.
Maqedonasit
gjatë luftës kuptuan shpejt e në forma tejet të
dhembshme, se UÇK-ja çdo ditë e më tepër
po fitonte përkrahje nga populli shqiptar. Atëherë,
qeveritarët maqedonë përdorën një reçetë
të provuar kundër shqiptarëve. Shqiptarët duheshin
luftuar me shqiptarë.
|
|
UÇKAPC |
Zotrinjët
Xhaferi dhe Lupçe |
Kjo
strategji maqedonasve u solli dobi. E para, falë servilizmit
të krerëve shqiptarë, ata ndryshuan Marrëveshjen
e Ohërit, të cilën e kishin firmosur paraprakisht.
U ndryshua mbrapsht preambula e kushtetutës, ku shqiptarët
u kthyen sërish në pakicë kombëtare. Për
të qenë ironia totale, PDSH-ja dhe kreu i saj Arben Xhaferri,
që i kish miratuar këto keqësime prapa shpinës
së Ali Ahmetit, do ta shpallte këtë disfatë
si të arritur historike të shqiptarëve.
E dyta, u ndryshua edhe amandamenti, me të cilin tani Kisha
orthodokse maqedonase ka (ri)fituar pozitë të privilegjuar
kundrejt bashkësive tjera fetare.
Devalvimi
i fryteve të luftës kulmoi pas shpërbërjes së
UÇK-së. Në vend që të pasonte menjëherë
miratimi i ligjit për amnesti dhe zbatimi i Marrëveshjes
së Ohërit, filloi një fushatë e egër e
burgosjes së ish-luftëtarëve të UÇK-së.
Maqedonasit zunë ta zhagitin procesin e paqes.
Manovrat
e pushtetit
Reagimi
i partive shqiptare në qeveri, veçanërisht i PDSH-së,
ishte absurd. Veprimi i saj duhej të ishte i vendosur. T'i
thuhej Stop! ministrit të brendshëm Lube Boshkovski, që
të mos prek asnjë ish-ushtar të UÇK-së,
e të jetësohej menjëherë ligji për amnestinë.
Kjo bëhej krejt lehtë, sepse ishte pjesë e marrëveshjes
dhe se për këtë angazhohej edhe faktori ndërkombëtar,
që ishte garant i marrëveshjeve. Pala maqedonase, sado
të shqelmonte, prapë do të ishte e detyruar t'i përmbush
obligimet e marra.
Por,
PDSH bëri të kundërtën. Arbën Xhaferri
i la hapësirë manovrimi partisë maqedone të
kryeministrit Lubço Georgievski që, duke burgosur e
rrahur ish-luftëtarët shqiptarë, ta ngritë ca
rejtingun te elektorati maqedon para zgjedhjeve. Për çdo
eventualitet, në rast se kjo sdo të mjaftonte, Xhaferri
pranoi që zgjedhjet të shtyhen prej pranverës e deri
në vjeshtë. Natyrisht, braktisjen e interesit shqiptar
PDSH e bëri për ta ruajtur pushtetin, të cilit, dora
në zemër, krerët e partisë ia kanë parë
hajrin sa të duash këtyre katër vjetëve të
fundit. Por është për të ardhur keq që
ata sgjetën rrugë tjetër, përpos asaj
të shkeljes me të dy këmbët mbi interesin e
elektoratit të vet.
Të
sigurtë se krerët shqiptarë do ti bëjnë
punët lëmsh si rëndom, nacionalistët maqedonë
shtiren se jane të pakënaqur. Ata, herë partia në
pushtet e herë opozita, bëjnë fushatë kundër
Marrëveshjes së Ohërit. Argumenti është,
se kinse maqedonasit paskan humbur shumë. Qëllimi është,
natyrisht, që ta evitojnë çfarëdo implementimi
që i ngritë të drejtat e shqiptarëve. Për
momentin, petritët maqedonë problematizojnë çështjen
e përdorimit zyrtar të gjuhës shqipe në letërnjoftime,
përkundër asaj se në Marrëveshjen e Ohërit
thuhet qartë se këto dokumente për shqiptarët
do të shkruhen edhe në gjuhën shqipe. Dhe secili
e kuptojn se nëse nuk pritet ky trend qysh tash, partitë
maqedone nesër do problematizojnë diçka tjetër.
Më
mirë vonë...
Në
këtë mes, duhet thënë se Ahmeti u vetëdijësua
vonë se qëndrimi i tij për të mbetur jashtë
rrjedhave politike është i dëmshëm për
paqen. Si vajtën punët, po del që Ahmeti do të
kish bërë më mirë po ta kish deklaruar formimin
e në partie të re qysh ditën e shpërbërjes
së UÇK-së.
Ahmeti
e kuptoi vonë se nëse gjithë procesi i zbatimit të
Marrëveshjes së Ohërit kalonë në duartë
e krerëve politike, në fund s'do mbetej gjë nga ajo
marrëveshje. Për këto lëshime, Ali Ahmetin shumëkush
madje e mban përgjegjës para ish-luftëtarëve
të UÇK-së. Avantura e Këshillit koordinues
vështruar nga pika e sotme doli pikërisht e tillë,
pra avanturë. Krerët që hynë në Këshillin
e Ali Ahmetit hynë aty jo për tu koordinuar, po
për ta vënë nën kontroll ish-kreun e UÇK-së.
Kur nuk ia arritën qëllimit, ato e shkatërruan Këshillin.
Por
ndoshta kështu u bë më së miri, sepse tash e
tutje shqiptarët do ta kenë më lehtë ta ndajnë
exhrin prej grurit. Përgjegjësia e Ali Ahmetit tashti
me formimin e partisë së re është kolosale.
Ahmeti me siguri se do të gjejë përkrahje verbale
te shumëkush, por ai duhet të jetë shumë i kujdesshëm
se kë do ta ofrojë në radhët e partisë
së vet. Nëse është i pakujdesshëm, ai mund
ta përjetojë si në dezhavu historinë e partive
të mëparshme. Partia e tij do të jetë objekt
infiltrimi për shumëkë, prej djerrakohëve e
haveristëve të zhgënjyer e deri te revolveristët
e mafiozot që duan ta veshin krimin me petk të respektueshëm
politik.
Partitë
shqiptare dhjetë vjetë bënë pazar me votën
e shqiptarëve në dëm të shqiptarëve për
disa cikërima privilegje të pushtetit. Nëse Ali Ahmeti
me partinë e tij nuk shëndrohet në një digë
të fuqishme të interesit shqiptarë në Maqedoni,
përgjegjësia do të jetë edhe më e madhe.
Derisa partitë shqiptare bënë alashverish me votën
e shqiptarëve për interesa të dyshimta, Ali Ahmeti
nuk guxon të lejojë gjëra të tilla. Pasojat
për shqiptarët - e për vet Ali Ahmetin - mund të
jenë të shumë të rënda.
Shenja
të mbara
Për
fat të mirë shenjat e para të paraqitjes në
skenë të partisë së Ali Ahmetit janë tejet
pozitive. Njerëzit e sinqertë nuk flasin fjalë të
mëdha por bëjnë punë të mëdha. Kështu
ështu duke vepruar Ahmeti. Publikisht thotë se partia
e tij është e proviniencës qytetare, që do të
thoshim evropiane. Në emrin e partisë vuri fjalë
shumë domethënëse, bashkim, demokraci dhe integrim.
Kjo është formula që Ali Ahmeti dëshiron ta
realizojë për të nxjerrë në dritë
shqiptarët nën IRJM. Se kjo është edhe rruga
e vetme për mbijetim të shtetit, këtë se
kanë kuptuar ende vetëm nacionalistët më të
tërbuar maqedonë.
Posaçërisht
imponues është sensi politik i Ali Ahmetit. Ai nuk e provokon
opinionin maqedonas, por ia shtrinë atij dorën e pajtimit,
gjithnjë duke i përkujtuar se duhet të fillojë
një faqe e re në historinë e marrëdhënieve
shqiptaro-maqedone. E kaluara sbën të na përsëritet,
ky është mesazhi i preferuar i tij. Ky mesazh deri tani
si ka sjellur Ahmetit ndonjë simpati publike te kundërpalët
e tij maqedonase. Por për diçka të tillë mbase
edhe është herët, aq më pak në një
situatë kur gati krejt mediat maqedone bëjnë gara
në nacionalizëm. Ska kaluar ende një vit qëkur
mbaroi lufta, andaj sështë radha ende për shprehje
publike të simpatisë.
Por
Ahmeti duket se ka vendosur të profilohet me qasje të
sinqertë, duke llogaritur në përfitime afatgjata.
Për momentin, ai sdo ta ballafaqojë opinionin maqedon
me zgjidhjet që i duhen vendit. Tregohet i matur në publik,
e vendosmërinë politike thotë se do ta shfaq në
tryezën e bisedimeve.
Krerët
maqedonë janë mëse koshient se me kë kanë
të bëjnë punë. Ata kanë thënë
se nuk duan ta takojnë Ahmetin dhe se hedhin poshtë çdo
mundëesi për të bashkëpunuar me partinë
e tij. Por demokracia është bushtër: nëse në
zgjedhje Ahmeti e fiton besimin e shqiptarëve, ata sdo
të kenë kah tia mbajnë, pos ta pranojnë
Ahmetin si partner të barabartë.
Natyrisht,
secili që e njeh skenën e këtushme politike e di
që nacionalistët maqedonas, përmes shërbëtorëve
shqiptarë të rekrutuar në PDSH dhe PPD, do të
përpiqen maksimalisht ta sabotojnë shprehjen e vullnetit
politik të shqiptarëve. Ahmeti e di se shumëkush
do të përpiqet ti manipulojë zgjedhjet. Në
këtë pikë ai duket më i vendosur se zakonisht,
meqë gjatë Kuvendit themlues në Tetovë i porositi
partitë shqiptare të mos përdorin dhunën në
zgjedhje. Ahmeti tërhoqi vërejtjen se partia e tij, si
tha ai, do ta mbrojë votën e lirë të shqiptarëve.
Mjerisht, sështë e qartë se sa seriozisht e
kanë kuptuar këtë mesazh rrëqethës kaubojët
e Menduh Thaçit në Tetovë.
Selia
e partisë së re do të jetë në Shkup. Ky
vendim i Ahmetit është shumë i guximshëm dhe
largpamës për ardhmërinë e shqiptarëve
në Maqedoni. Një element tjetër shpresëdhënës
është se partia e Ali Ahmetit e ka mbështetjen e
fuqishme të faktorit ndërkombëtar. Burime të
afërta me Ahmetin thonë, se ky është stimuluar
nga diplomatët e huaj që të zdirgjet në logun
e politikës. Motivi, thuhet, është se ata nuk mund
të bashkëpunojnë më me strukturat aktuale të
korruptuara e të kriminalizuara të PDSH-së dhe PPD-së,
dhe kërkojnë partner të ri të pakomprometuar.
Fundja, premtimi i Ali Ahmetit se do të luftojë për
integrim të përshpejtuar të shqiptarëve
në strukturat e shtetit është edhe premtim i bashkësisë
ndërkombëtarë, dhënë shqiptarëve solemnisht
në Ohër. Ali Ahmeti duket se është projektuar
si garant i fuqishëm i zbatimit të Marrëveshjes së
Ohërit si dhe paqes e stabilitetin në rajon.
|