Analistët
grinden për rezultatet e zgjedhjeve kombëtare në
Evropë:
EKSTREM
I DJATHTË, APO KEQKUPTIM?
Sukseset
e ekstremit të djathtë në shumicën e vendeve
evropiane duken pasojë e një tërësie keqkuptimesh.
Skaji i djathtë ka gjetur terren pasi klasa politike aktuale
në Evropë ka dështuar të flasë hapur për
multietnicitetin e shoqërive të tyre.
Shkruan: Iliriana BAJO
Një
vit më parë kur Tony Blair dhe laburistët anglezë
fituan zgjedhjet duke shënuar një fitore historike për
të majtën angleze, historianë dhe analistë,
nënvizuan faktin se merita e Tony Blair qëndronte në
faktin se shkriu kufijtë mes së majtës dhe së
djathtës tradicionale. Sipas tyre Blair ndoqi politika të
djathta ekonomike dhe politika të majta sociale - ky ishte
kyçi i suksesit të tij historik.
Pak
javë më parë, afro një vit pas marrjes së
mandatit të dytë si kryeministër, Blair, gjatë
një takimi me homologun e tij gjerman, Kancelarin Gerhard Schröder,
deklaroi se duhej të përgatiteshin për ti bërë
ballë ekstremit të djathtë.
Ishte
humbja e kandidatit socialist në turin e parë të
zgjedhjeve presidenciale franceze, kandidatit Lionel Jospin dhe
kalimi në turin e dytë të garës presidenciale
franceze të kandidatit të ekstremit të djathtë
Jean - Marie Le Pen, që kishte vënë në punë
sirenat e alarmait në Evropë.
Kalimi
I Le Pen në turin e dytë të zgjedhjeve presidenciale,
solli mbi tryezë, diskutimet për fitoren e së djathtës
daneze, portugeze e italine në më pak se një vit.
Votuesit
evropianë, të papërgatitur?
Ndonëse
mund të duket kundërshtuese, mes fitores historike të
Tony Blair-it, dhe humbjes së Lionel Jospin-it ka një
element të përbashkët.
Shkrirja
e kufijve mes së majtës dhe së djathtës tradicionale
që i dha fitoren Blair-it duket se pati ndikim të kundërt
tek gara e Jospin-it. Sipas anketave të opinionit votuesit
francezë të ndarë tradicionalisht në dy kampe
të dallueshme, në të mjatë dhe në të
djathtë, e gjetën veten në një pozitë të
papëlqyeshme. Votuesit tradicionalë të së majtës
u ndien të zhgënjyer nga një kandidat presidencial
si Jospin, tek politikat e të cilit nuk dallohej ndryshimi
mes të djathtës dhe së majtës, madje ai guxoi
të shkonte dhe më tej duke u zhvendosur disi djathtas
për të marrë dhe votat e së djathtës.
Ndonse
Jospin ka qenë ndër kryeministrat francezë me rezultatet
më positive, krahasuar me disa nga paraardhësit e tij,
votuesit e majtë nuk ishin të gatshëm të pranonin
një shkrirje të tillë. Kjo bëri që një
pjesë e votuesve të përhershëm socialistë
ti jepnin votat e tyre për kandidatët e grupimeve
apo partive të tjera të majta.
Ndërmjet
letrave të shumta të mbështetjes që Jospin morri
pas humbjes së garës presidenciale ishte dhe ajo e një
aktivisteje socialiste nga Lioni, e cila shkruante se ndihem
fajtore për humbjen tuaj, pasi nga 5 votues në familjen
time, asnjë nuk votoi për ju.
Në
fakt kjo dukuri e shkrirjes së kufijve tradicionalë mes
së majtës dhe së djathtës është një
dukuri që po vihet re thuajse në të gjitha vendet
e Bashkimit Evropian. Dhe siç shihet jo gjithmonë ka
dhënë rezultate positive si në Angli, pasi publiku
si duket ende nuk është I mësuar pa kandidatë,
që janë osë të majtë ose të djathtë.
Të folurit e drejtpërdrejtë
Ndër
figurat më të njohura të cilësuara si të
skajit të djathtë në Evropë janë Hajder
në Austri, Le Pen në Francë, Bosi e Fini në
Itali, si dhe Pim Fortuyn në Hollandë, i cili u vra ditë
më parë se të zhvilloheshin zgjedhjet në këtë
vend.
Thuajse
të gjithë këta kandidatë kanë pas vetes
grupime politike jo shumë të forta. Në fakt shumica
e partive të ekstremit të djathtë në Evropë
janë bërë rëndësore, kryesisht në
saj të të shndërruarit në protagonist të
udhëheqësve të tyre.
Por
emrat e ekstremit të djathtë që ne përmendëm
janë shumë të dallueshëm nga njëri tjetri.
Le Pen dhe Fortuyn në fakt janë plotësisht të
ndryshëm e shumë herë dhe të kundërt.
Ndërsa
i pari është një konservator i skajshëm, i dyti
ka qenë nje homoseksual i deklaruar. Hajderi viziton Sadam
Hyseinin, ndonëse duken plotësisht të kundërt
në bindjet e tyre.
Megjithatë
ajo çfarë i bashkon është fakti se ata janë
bërë protagonistë përmes të folurit të
drejtpërdrejtë. Liderët e skajit të djathtë
e trajtojnë elektoratin e vet sipas rregullit të artë
të retorikës: Nisu nga ajo që auditori është
idiot, e shpjego gjithçka thjeshtë dhe prej fillimit.
Ata flasin lirshëm e bindshëm, pa u ndalur kurrë
në detaje të bezdisshme. Ata përdorin gjuhën
e elektoratit të vet, e jo gjuhën e establishmentit. Dhe,
mbi të gjitha, i ofrojnë opinionit evropian një definicion
të qartë për të gjitha problemet e ngatërruara
të post-modernizmit, si dhe një mënyrë të
thjeshtë të zgjidhjes së tyre: Ti shporrim
të huajt!.
Të
gjithë pa përjashtim kanë kritikuar qeveritë
përkatëse për tolerimin ndaj emigrantëve, i
kanë cilësuar këta si përgjegjës për
problemet e sigurisë e kriminalitetin në vend. Suksesi
i tyre dëshmon se kjo qenka bindje te një pjesë e
mirë e evropianëve.
Ndërkaq
thuajse janë shuar dallimet mes së majtës dhe së
djathtës dhe debati publik mes tyre është bërë
më i vakët, disi pa nerv, dhe nuk ka atë tifozllëkun
tërheqës për publikun e gjerë.
Këtë
vaktësi e kanë mbushur thirrjet kundër ardhësve,
qarjet e racistëve se vendet e tyre janë shndërruar
në vende ku nuk mund të shëtitet apo ecet lirshëm
në çdo orë e në çdo vend. Anketa të
opinionit nëpër vende të ndryshme zbulojnë që
opinioni evroperëndimor beson se politikanët i ikin rrahjes
së çështjeve të ndjeshme si emigracioni
dhe lidhja e këtij të fundit me krimin.
Në
mesin e votuesve të Le Pen në Francë apo të
atyre që votat ia dhanë partisë së Pim Fortuyn
në Hollandë ka nga ata që pohojnë se e kanë
përdorur votën si një mjet presioni për të
detyruar politikanët të diskutojnë me zë të
lartë çështje të tilla tepër të
ndjeshme.
Poashtu,
zgjedhësit janë lodhur nga kërkesat për ndryshime,
që vijnë prej vitesh nga të njëjtët politikanë.
Këto
pakënaqesi janë shfrytëzuar më së miri
nga ajo që thirret e djathta ekstreme në Evropë.
Çmimi
i korrektësisë politike
Pim
Fortuyn gjatë fushatës zgjedhore, por dhe më parë,
i ka mëshuar fort asa që në qytetet hollandeze janë
krijuar zona ku nuk vete dot hollandezi i thjeshtë. Sipas qytetarëve
në Hollandë, këto zona ekzistojnë realisht.
Veçanërisht në qytetet e mëdha si Amsterdami,
Roterdam, Hagë, ekzistenca e këtyre zonave pranohet nga
qytetarë të niveleve të ndryshme.
Sipas
tyre, ardhës nga Afrika e Veriut, kryesisht nga Maroku, janë
grumbulluar në disa lagje të caktuara të qytetit.
Aty, thuhet, kriminaliteti është më i shtuar se në
pjesë të tjera të qytetit. Gratë e vajzat senden
dot andej pari, vazhdon argumenti, madje as ditën, meqë
kërcënohen, u vidhen stolitë, e kështu me rradhë.
Për
më tepër, ardhësit më të shumtë në
vitet e fundit janë kryesisht nga Turqia dhe Ballkani. Mes
tyre ka pasur dhe aso që kanë bërë nam në
trafikun e drogës, armëve, prostitucionit. Këto janë
thënë nga Fortuyn, ndërsa politikanët tjerë,
politikisht korrektë, si kanë përmendur fare
disa të vërteta. Me qëllim të mirë, sigurisht,
por puna është se zgjidhjet e një problemi rëndom
i definon ai, që e ka treguar me gisht problemin i pari.
Në
Francë problemi i të huajve lidhet kryesisht me arabët
e Afrikës së Veriut dhe me të ardhurit nga Afrika
nënsahariane. Në lagjet popullore të qyteteve franceze,
ku është përqëndruar popullsia e huaj, është
fakt se statistikat mbi krimin e rrugës janë më të
larta se në pjesët e tjera.
Të
gjitha këto përdoren nga e djathta ekstreme. Ndonëse
në mënyrë të njëanshme, pasi ekonomitë
e këtyre vendeve kanë nevojë jetike për fuqi
punëtore.
Në
fakt ekstremi i djathtë në Evropë ka gjetur më
shumë terren pasi klasa politike aktuale në Evropë
ka dështuar të flasë hapur për multietnicitetin
e shoqërive të tyre. Shoqëritë evropiano-perëndimore
nuk janë më shoqëri homogjene nga pikëpamja
kombëtare apo racore.
Kështu
ndërsa kur flasim për Francën kemi parasysh tipin
e francezit me beretë dhe bagetë në dorë. Në
fakt asgjë nuk është më e tillë. Francezi
i sotëm është tipi i mësipërm, por dhe
arabi, afrofrancezi apo frankoaziatiku.
Në
Francë jetojnë 5-6 milionë myslimanë, është
një bashkësi e numërt e francezëve me ngjyrë,
njësoj si amerikanët me ngjyrë dhe janë francezët
me origjinë kineze, vietnameze, kamboxhiane. Shumica për
shembull e francezëve me origjinë aziatike janë tani
brezi i tretë apo i katërt. Të cilët njohin
vetëm frëngjishten si gjuhën e tyre amtare dhe madje
kanë humbur lidhjet me vendet e origjinës.
Po
kështu dhe në Hollandë 10 për qind e popullsisë
është e huaj, ndërkohë që ende kanë
nevojë për fuqi punëtore, derisa ka një popullsi
të plakur e lindshmëri të ulët. Thuajse të
njëjtat shifra vlejnë dhe për Britaninë, apo
vendet e tjera të BE-së.
Megjithatë
nëse përjashtojmë fusha si sporti apo muzika në
këto vende është e veshtirë të gjesh politikanë
e njerëz të tjerë të rëndësishëm
me ngjyrë, apo me prejardhje tjetër racore. Kështu
nëse ndërron kanalet franceze të televizionit është
thuajse e pamundur të gjesh një reporter me ngjyrë
apo nje gazetar lajmesh me me origjinë aziatike.
Mossuksesi
i shoqërive për të përfshirë në jetën
politike apo fusha të tjera vendimmarrëse, të qytetarëve
vendas, por jo të së njëjtës racë, po shfrytëzohet
nga ekstremi i djathtë.
11
shtatori dhe e djathta evropiane
Propagandës
së të djathtës ekstreme i kanë ardhur në
ndihmë ngjarjet e 11 shtatorit, sulmet terroriste mbi kullat
binjake në New York dhe mbi Pentagon.
Duke
qenë se një numër i konsiderueshëm në mesin
e emigrantëve në Evropë janë të besimit
islam kjo ndikoi që ata të identifikoheshin në një
shkallë apo në një tjetër me ata që realizuan
sulmet terroriste.
Kështu,
mësuesja i thotë një nxënëseseje 8 vjeçare
myslimane në Hollandë se dhe ti je përgjegjëse
për ato që ndodhën në 11 shtator. Në Austri,
shumë arabë kanë marrë përmes postës
elektronike mesazhe të tilla si Shko në Afganistan
dhe vdis. Këta janë shembuj se 11 shtatori ka rritur
shkallën e mospranimit në shoqëri tradicionalisht
pritëse. Këto janë vërtëtuar nga Qendra
për Hulmtime të Opinionit me qendër në Vjenë.
Ky
moment dobësie i publikut sërish është shfrytëzuar
nga grupet e së djathtës ekstreme.
A kërcënohen shoqëritë evropiane nga ekstremi
i djathtë
Në
fakt sukseset e ekstremit të djathtë në shumicën
e vendeve evropiane duken pasojë e një tërësie
keqkuptimesh.
Shoqëritë
evropiane, pavarësisht nga ulje ngritjet janë qenë
shoqëri pritëse dhe kanë mekanizmat që te ruajnë
prej skajit të djathtë. Megjithatë pranimi se shoqëritë
evropiane nuk janë më homogjene etnikisht e në aspektin
racor është i nevojshëm dhe duhet bërë
sa më parë. Ky është një hap i rëndësishëm
për të parandaluar keqkuptimet ekstremiste
në të ardhmen.
|