Kur
e nguc lemza teknologjinë moderne:
SPIUNAZHI
I NATO-s LIVE NË TV
Shkruan:
Shqiptar OSEKU
Nëse
edhe ju si unë bëni pjesë ndër ata që e
bekojnë përditë parabolën satelitore, pritni
veç sa të dëgjoni për atraksionin më
të ri. Me një "saç" të mirë
e me pak njohuri themelore sa kah i bien anët e horizontit,
në ekranin tuaj do të mund t'i ndiqni live imazhet më
taze nga spiunazhi supersekret i NATO-s në Kosovë.
Tingëllon
si vic, por është bash përnjëmend. Imazhet prej
fluturimeve këqyrëse të NATO-s në Ballkan transmetohen
përmes një linku të pashifruar satelitor. Kësisoj,
secili që ka saç mund t'i ndjekë live, nga një
kolltuk i rehatshëm te shtëpia, operacionet më senzitive
të aleancës perëndimore. Diçka si James Bondi
007, me dallimin se s'ke nevojë ta thesh ligjin e as një
shteti për be. Transmetimet bëhen përmes një
sateliti komercial. T'i gjesh ato është më lehtë,
se sa ta gjesh një kartelë për t'i parë vizatimorët
në Disney.
|
|
Batajnica |
Kampi
Bondsteel |
Zbulimi
u bë në nëntorin e shkuar nga një amator anglez
i emisioneve satelitore. Entuziasti Xhon Llok u ka thënë
mediave britanike se ka rënë copë t'u tërheqë
vërejtjen amerikanëve për këtë lapsus me
telefon, me telefaks e me postë elektronike qysh prej nëntorit.
"-Ani
çka? Ky është problem i njohur në pajisjet
tona teknike", i është përgjegjur z. Llok një
epror i lartë i NATO-s, pasi që ky më në fund
ka telefonuar edhe në selinë e aleancës.
I
irrituar nga ky qëndrim moskokëçarës i ushtarakëve,
z. Llok vendos më në fund javën e shkuar që
t'i drejtohet publikut. E pastaj, mund ta merrni me mend edhe vet
se ç'ndodh. Me të botuar të lajmit te media prestigjioze
britanike BBC, administratën ushtarake të NATO-s e zënë
ethet.
"-Imazhet
janë josekrete. Ato nuk i zbulojnë asgjë me vlerë
armikut potencial", u tha këtyre ditëve mediave britanike
një epror i lartë amerikan, me pamje fort bindëse
të fytyrës.
"-Transmetimet
nuk zbulojnë as tipin e fluturakes, as pozitën e saj",
plotësoi një tjetër.
|
|
Gjurmim |
Magjistralja
Ferizaj |
E
vërteta, sikundër që mund ta konfirmoni edhe vet
te revista PASQYRA, është krejt e kundërt. Simbolet
nëpër skajet e imazheve e dëftojnë saktësisht
pozitën, lartësinë dhe kursin e fluturakes. Ndërsa
ata që i ndjekin transmetimet rregullisht mund të mësojnë
shumëçka për kapacitetin teknik të fluturakeve
më të sofistikuara këqyrëse, si ato të
tipit P-3 Orion e ato pa pilot: NATO-ja kanë menduar edhe për
ata që s'e dinë dallimin mes tyre, meqë kodi "P-3"
ose "Hunt" qëndron në skaj të imazhit!
Tëhollimi
afgan
Ekspertët
perëndimorë që e kanë komentuar ngjarjen natyrisht
që s'i kanë blerë pallavrat e NATO-s, po thonë
haptazi se inteligjenca e NATO-s ka bërë lëshim kardinal.
Fluturimet
këqyrëse të NATO-s në Kosovë kryhen kryesisht
prej amerikanëve. Në udhëzimet e departamentit amerikan
të mbrojtjes thuhet katërçipërisht se imazhet
direkte prej fluturakeve pa pilot duket klasifikuar përherë
si "Sekret". Transmetimet e imazheve nga Kosova, të
cilat po vazhdojnë e pakta qysh prej nëntorit të
shkuar e edhe përkundër vërejtjeve të jashtme,
janë pra një dekonspirim drastik që është
në kundërshtim total me Procedurat standarde të operimit
(SOP).
Ekspertët
perëndimorë vlerësojnë se kapaciteti shifrues
i aleancës perëndimore, e angazhuar deri në fyt në
Afganistan, për momentin është tëholluar tepër.
Andaj NATO-ja s'ka pasur shteg tjetër pos të përdorë
kanale të pashifruara e komerciale për transmetim të
imazheve supersekrete nga Ballkani, e t'i bëjë gishtat
kryq me shpresën se kjo s'do të vërehet prej dikujt.
Sepse
këtu s'është fjala vetëm te Kosova. Transmetime
të imazheve supersekrete ka edhe prej zonave më senzitive
të Bosnës e të federatës serbomalazeze, si p.sh.
prej zonës restrektive rreth aeroportit ushtarak serb Batajnica
jashtë Beogradit.
Andaj
ndoshta s'është për t'u habitur fare se pse NATO-ja
po koritet, tri herë rresht vetëm sivjet, në gjahun
e vet kundër kriminelëve të luftës në Bosnje.
Muajin që shkoi, S-Fori madje hyri me ushtarë një
qendër ndërlidhëse boshjakoserbe, meqë vërehej
qartë se serbët kishin informacion të avancuar për
operacionet gjurmuese të NATO-s. Trupat e S-Forit sekuestruan
me atë rast datorë e dokumente "të dyshimta":
kurse tash ekziston rreziku, pse jo, që NATO-ja t'i sekuestrojë
edhe televizionët e rëndomtë!
Në
rastin e Kosovës, revista PASQYRA mund të zbulojë
se fluturimet këqyrëse drejtohen prej ushtrisë dhe
marinës amerikane, si dhe prej "Air Scan Incorporated",
një sipërmarrje private ushtarake me seli në Floridë
që është kontraktuar prej ushtrisë amerikane.
Misioni
i këqyrjeve është të vëzhgohet kufiri i
Kosovës, në radhë të parë ai me IRJM-në
("Maqedoninë"). Objektiv parësor janë guerilët
shqiptarë të AKSH-së dhe strofkat e armëve të
tyre, por edhe sjellja e aktorëve tjerë në terren.
Fluturaket
këqyrëse me e pa pilot mund t'i afrojnë imazhet prej
distancës 3.2 km me saktësi nën 1 m. Informacioni
i pozitës është i ndërlidhur me sistemin UTM
(Universal Transverse Mercator), që mund të konvertohet
urgjentisht në sistem të shënjestrimit për armë
të telekomanduara. Fluturaket janë të pajisura me
thjerrëza infrakuq për këqyrje natën, e disa
prej tyre kanë edhe radar special që mund të këqyrë
në mjegull të dendur.
Transmetim
falas në 4 kanale
|
|
Staeliti
Telstar 11 - Fusha e transmetimit |
Pamje
nga larte e Vitisë |
Transmetimet
supersekrete të NATO-s u zbuluan vjet herët në nëntor.
Anglezi Xhon Llok, tek po i kontrollonte rutinisht kanalet satelitore,
vuri re që ishin shtuar gjashtë kanale të reja në
satelitin komercial Telstar 11, të stacionuar mbi Brazil.
Telstar
11 i distribuon transmetimet televizive dhe radiofonike në
Evropë dhe në Amerikën Veriore. Ai operohet prej
ndërmarrjes "Loral Skynet", që është
një nëndarje e sipërmarrjes "Loral Corporation".
Gjashtë kanalet e reja përmbanin dy transmetime të
CNN-it me destinacion trupat amerikane, si dhe katër linqe
direkte prej fluturakeve këqyrëse, aso me pilot e pa pilot.
Ato
transmetime mund t'i ndjekë secili që e ka një parabolë
satelitore, "saçin", dhe një televizion që
i punon. E vetmja gjë që duhet të dish janë
anët e horizontit.
Vetëmse
duhet nxituar. Ai a ajo që e ka ndërmend t'i shijojë
4 kanalet falas të spiunazhit të NATO-s në satelit
duhet ta dijë që teknikët amerikanë janë
duke punuar ethshëm për t'ia prishur qejfin, duke kërkuar
në tym një mënyrë urgjente të shifrimit.
PASQYRA
E FAKTEVE
RQ-5/Hunter
|
|
Aeroplani
Hunter |
|
RQ-5/Hunter
(më herët BQM-155) e fitoi garën e Ushtrisë
së SHBA-ve për ajror pa pilot me rreze të shkurtë
më 1988. Fluturoi së pari në mars 1991. Pas tri rrëzimeve
në gusht-shtator 1995, prodhimi serik u ndalua. Përmirësimet
në kontroll cilësor e kanë bërë këtë
tip ajrori model të besueshmërisë. Janë livruar
gjithsejt shtatë sisteme me nga tetë fluturake secili,
që mund të nisen edhe prej luftanijeve. Mund të pajiset
edhe me raketa të telekomanduara. Modeli Hunter mund të
konvertohet në E-Hunter (Endurance Hunter) në afat prej
tri orësh, me montim të shtojcave në flatra. Vlerat
e tipit E-Hunter janë vënë në paranteza.
Karakteristikat
Propelerë:
2
Ekipazhi: Nuk ka
Armatimi: maks 1 raketë "të mençur"
Gjatësia: 6.98 (7.46) m
Pesha: maks 400 kg
Rrezja e flatrave: 6.98 (16.61) m
Motori: 2 x Motto Guzzi
Ajëron: maks 12 (24) orë
Rrezja e veprimit: 50 (125) km
Lartësia: 4.5 (6.1) km
Shpejtësia: maks 197 km/orë
Navigimi: Paraprogramuar (pikëza)/autonom/kontroll direkt
Tokësimi: Konvencional (pistë)/emergjent (parashutë)
Linqet e datave: 4-5 GHz/5-6 GHz OCONUS
Shpejtësia e transmetimit: rreth 7.3 kb/sek
Sensorët: Radar/Infrakuq
P-3C Orion
|
|
Aeroplani
Orion |
|
P-3C
Orion është platforma e graduar e Marinës së
SHBA-ve për këqyrje ajrore. Është ndër
veglat më besnike të marinës amerikane, modelet fillestare
në prodhim serik qysh në mes të viteve 1950. P-3C
Orion është në prodhim serik prej vitit 1969. Dislokohet
rëndom në skuadra prej tetë ajrorësh, të
a.q. "Patrollat e Aviacionit Detar" (MPA).
P-3C
Orion pajiset rëndom me armë antidetare, por versioni
i graduar i është përshtatur kërkesave të
reja të këmbësorisë detare (marincave) për
amfiteatër të luftës urbane. Harpoon Stand-Off Land
Attack Missile (SLAM) është një nga këto armë
të reja për përdorim të saktë ajër-tokë
matanë horizontit, të cilat e kanë kthyer luftajrorin
P-3C Orion në "skalpel" të këmbësorisë
detare amerikane.
Karakteristikat
Propelerë:
4
Ekipazhi: min 5; opt 11; maks 25
Armatimi: mitralozë të rëndë, 9 t/2 raketa,
bomba, mina, silurë
Gjatësia: 63.39 t
Rrezja e flatrave: 30.37 m
Motori: 4 x Allison T56-A-14 nga 4.500 kuajfuqi secili
Ajëron: 10-13 orë
Rrezja e veprimit: maks 2.500 km
Lartësia: maks 8 km
Shpejtësia: maks 611 km/orë
SI
I GJEN KANALET E SPIUNAZHIT
T'i
gjesh imazhet supersekrete të NATO-s nga misionet e spiunazhit
mbi Kosovës është më lehtë, se sa t'i gjesh
vizatimorët në kanalin satelitor Disney.
Sateliti
që i transmeton imazhet e spiunazhit quhet Telstar 11 dhe qëndron
mbi Brazil. Sateliti Telstar 11 është pronë e ndërmarrjes
"Loral Skynet", që është një nëndarje
e sipërmarrjes amerikane "Loral Corporation".
Telstar
11 i distribuon transmetimet televizive e radiofonike në Amerikën
Veriore tekderi në Feniks e në Denver, si dhe në
Evropë tekderi në Stamboll, në Kiev e në Talin.
Përpos
katër linqeve direkte e të pashifruara të NATO-s,
Telstar 11 i transmeton edhe dy kanale të shifruara të
CNN-it, si dhe kanalet NTL, Channel 5, Performance, Viacom, si dhe
TV Polonia. Telstar 11 distribuon edhe kyçje në internet
të zgjeruar (broadband) si dhe multimedia.
Transmetime
e pashifruara audiovizuale mund t'i ndjekë secili që e
ka një parabolë satelitore, "saçin",
dhe një televizion që i punon. E vetmja gjë që
duhet të dish janë anët e horizontit. Për Evropë,
Telstar 11 ridistribuon prej 37.5° Perëndim, në transponderët
28 Ku-band @ 54 MHz si dhe 6 Ku-band @ 36 MHz.
Frekuencat
evropiane janë 11.45 - 11.7 GHz, 14.25 - 14.5 GHz, 12.5 - 12.75
GHz, si dhe 14.0 - 14.25 GHz. Në Ballkan, këndi i vështrimit
është në latitudën rreth 41, longitudën
rreth 28-29, azimutin rreth 254.5, ndërsa pjerrtësinë
rreth 9.5 shkallë.
Transmetimet
direkte prej fluturakes pa pilot RQ-5/Hunter dallohen prej siglës
"Hunt" në skaj të imazhit dhe nga ajo se nuk
kanë zë/ton. Kurse transmetimet direkte prej fluturakes
me pilot P-3 Orion e kanë siglën "P3", e në
to mund të dëgjohet edhe komunikimi i pilotëve me
bazën.
Frekuencat
e kanaleve të NATO-s janë 11495 H / tp 14U. Vizualin prej
fluturakes RQ-5/Hunter e gjeni te kanali 4/3105. AirScan transmeton
në kanalin 6/5153. P-3 Orion transmeton në 7/6177, me
audion e pilotëve në 6178.
|