Gazetaria
e kulturës në Kosovë: kyçje apo çkyçje!
Shkruan: Gezim MEKULI
Ajo
që më parë quhej pornografi, quhet sot media. Kështu
u shpreh një kompozitor norvegjez rreth zhvillimit te frontit
të fundit medial. Reklamat, mediat argëtuese dhe gjithashtu
mediat informative janë (në një shkallë rritjeje)
të ndikuara nga fotografitë erotike e seksuale, me të
vetmin qëllim që të tërheqin vëmendjen
e publikut ndaj produkteve, artistëve dhe substancës së
lajmit.
Nuk
është çështje private e institucioneve mediale
që të shndërrojmë pornografinë në
një ofertë malli dhe këtë të barazojmë
me çdo gjë që shitet. Nëse gjinia materializohet
dhe trivilalizohet, kjo, padyshim, do të ketë pasoja për
tërë kulturën.
Gazetaria
e keqe kulturore është ajo, kur gazetarët shtirren
sikur kuptojnë diçka për diçka që nuk
e kanë kuptuar, ose që pretendojnë të jenë
dikushi për diçka që nuk janë. Gazetarët
e kulturës duhet të jenë të ndershëm. Po
qe se ekziston dicka që ai/ajo nuk e ka kuptuar, keta do te
duhej ta pranojnë atë. Gazetaret e kultures eshtë
më mirë të zhvillojnë e transportojne dialog
me recipcientet, se sa të "fryhen" e të paraqiten
si më të diturit. Gazetaria e keqe e kulturës dallohet
shpesh nga fjalët e saja të vështira dhe të
"mira"; sa më shumë probleme që ka gazetari
i kultures për të kuptuar nje prodhim artistik, aq më
shumë do të ketë "letër mbështjellëse"
ne artikullin e tije.
Gazetaria
e mirë e kulturës veçohet para së gjithash
me qartësinë dhe kuptimin e saj; vetëm ata që
vetë kuptojnë, mund të shkruajnë kuptueshëm;
Gazetari i mirë i kulturës rrënon barrierat, ai i
keqi i ndërton ato.
Rezultati, jo procesi
Procesi
i produkteve moderne, këtu tek ne është tjetërsues.
Artistët janë njerëz të cilët kërkojnë
lidhshmëri logjike pra cmojne dhe kerkojne proceset; procese
të cilat në një shkallë të lartë dhe
mund të kontrollojnë ose edhe t’i krijojnë.
Artistët, pra, janë të zënë me proceset
formuese, përderisa gazetarët e kulturës duket se
më shumë janë të interesuar në produktet
e përfunduara. Pse ekziston ky lloj disproporti?
Proceset
prodhuese moderne janët ë mbyllura; ne kemi humbur kontrollin
mbi funksionin dhe lidhshmërinë. Ne dimë se ora digjitale
ecën por nuk dimë se si funksionon ajo. Ne dimë se
pranojmë fotografi direkte nga secili cep i botës, por
ne nuk kuptojmë se si është e mundur kjo.
Aq
të panjohura dhe të ngatërruara janë këto
lidhshmëri sa që ne vetëm i pranojmë ato siç
janë - ato funksionojnë; ne nuk merakosemi të provojmë
që t’i kuptojmë këto lidhshmëri.
Turrja
e gazetareve ne prodhimet e gatshme kulturore/artistike ka bërë
që ne të jemi të orientuar, kryesisht, kah rezultati
dhe kjo ka një element të strategjisë mbijetuese;
prodhimet kemi mundësi t’i shesim si mall, përderisa
proceset na rikujtojnë (jokëndshëm) në çdo
gjë që ne nuk mundemi dhe nuk e kuptojmë; proceset
kulturore janë kërcënuese per gazetarine jo profesionale!
Shumë pak gazetarë kanë sjellur ne opinionine tone
atë që bëjnë artistët (poetët, piktoret,
kompoziotret, kengetaret...); Gazetaret tane nuk miren me proceset
krijuese!? Keta gazetare i jane nënshtruar rezultatit dhe prodhimit...
A
duhet gazetari i kulturës të jetë aktivist kulturor
apo gazetar profesionist? Një pyetje e tillë mund të
ngjallë konflikte dhe definime rolesh: gazetari nuk mund, njëkohësisht,
të jetë gazetar profesionist dhe aktivist kulturor. Ai
duhet të zgjedh një rol. Ky bosht konflikti është
në rritje në ditët e sotme. Dhe kjo do të formulohej
kështu "Gazetarët e kulturës, para së gjithash
do te duhej të kenë distancë nga jeta kulturore dhe
këtë ta hulumtoj në mënyrë kritikuese",
dhe "Gazetarët e kulturës duhet ta duan kulturën
dhe ta ndiejnë një përgjegjësi të veçantë
për jetën kulturore. Shtrohet pyetja: si do të ishte
e mundur të mbetet distancë kritike nga ajo që ti
e don dhe ndien përgjegjësi të veçantë?
Ka shumë që mendojnë se gazetaria e kulturës
është "e pa dhëmbë dhe jo kritike".
Jo rralle, gjatë leximit të artikujve të kulturës
e që ka të bëjë me letërsinë hetojmë
një lojalitet ndaj shkrimtarëve dhe botuesve - e jo ndaj
lexuesve...
Gazetarët
e kulturës, sot, nuk janë gjë tjetër pos shokë
e miq të artistëve, poetëve e publicistëve.
Shumë gazetarë e gazetare të kulturës sone mendojnë
hapur, se është me me rëndësi të jeshë
shok me personalitete të kulturës se sa të shkruash
gazetari kritike! Kemi shumë pak gazetari kritike mbi jetën
kulturore. Ne veprojmë në një rreth të mbyllur,
dhe njohim njëri-tjetrin shumë mirë. Kështu
gazetarët e kulturës definohen si punëtorë të
kulturës. Dhe kjo është një problem.
Unë
kam intervistuar në mënyrë kritike një poet.
Dhe kjo përfundoi me atë se ai nuk dëshironte të
fliste me mua! Ambienti është i vogël. Kam vërejtur
se, shume gazetare tërhiqen nga intervista; nuk jane aq kritik
ashtu siç kam menduar. Jane shumë zemërgjërë.
Pothuaja asnjë poet nuk "e duron" kritikën.
Njëkohësisht gazetaria e kulturës është
e varur nga populli: - poetët, botuesit e të tjerë.
Shumica e gazetarëve perëndimorë mendojnë se
këta janë thelbësisht të kontrolluar. Gazetaret
jane jo kritikë sa herë që ftohen në konferenca
për shtyp (nga botuesit) dhe takojnë poetët. Sa herë
që shkruajnë per ndonje botues, ata dinë se si duhet
vepruar; ata duhet të bëjnë reklamë të
mirë për librin e ri dhe autorin e librit. Gazetaret do
te duhej të fillojnë të kërkojnë më
shumë; A do te duhej intervistuar regjisorin Dhomi para se
të shfaqet premiera "Dasma arbëreshe"? A do
te duhej kërkuar per te lexuar pjesët e dramës para
se gazetaret të intervistojnë atë?
Është
më se e nevojshme që gazetaret e kultures kosovare të
provojne të shtrojne pyetje kritike e jo te kendshme prodhuesve
te kultures, dhe jo vetëm te dine "të mbajmë
mikrofonin e kameran" në dorë...!
|