Zoran
Xhinxhiç - njeriu që lidhi pakt me djallin
(c)
Le Figaro
Në
rrugën e Shilerit në Beograd ndjehet një atmosferë
e çuditshme. Rruga Shilerova, gjendet në rrethina të
Beogradit, në një lagjje ku klani i Zemunit është
popullor. Lagjja është e mbushur kryesisht me banesa për
punëtorët, të ndërtuara në vitet '70 dhe
me shitore të vogla ushqimesh, të cilat shesin në
trotuare pijet.
Përballë
vizitorëve të huaj, shitësit dhe banorët e lagjjes,
siç ndodh rëndom në lagjjet popullore të Serbisë,
janë të sjellshëm dhe mikpritës, megjithë
të nxehtin e padurueshëm të kësaj vere.
Por
kur i pyet rreth atyre që vizitonin shtëpinë numër
38 në rrugën Silerova, ata tërhiqen menjëherë
dhe të japin të njëjtën përgjigjje: "Më
vjen keq, por nuk mund t'ju ndihmoj, pasi nuk i shihnim kurrë
vzitorët. Ata vinin kryesisht me vetura të mëdha
me xhama të errëta dhe futeshin menjëherë në
parkingun e poshtëm të shtëpisë."
Ky
reagim i qytetarëve të rëndomtë serbë të
lagjjes periferike të Beogradit, lidhet me skandalin që
ka prekur dhe është në qendër të interesit
të gjithë klasës politike serbe: Kush nga politikanët
në pushtet ka frekuentuar Dushan Spasojeviçin?
Ish
futbollisti në fund të viteve '90 u bë shef i një
klani mafioz, dhe u pasurua nga trafiku i drogës. Spasojeviç
për të dëshmuar "të arriturat" e tij
ndërtoi në lagjjen e fëmijërisë një
vilë jashtëzakonisht të madhe, me pishinë dhe
një kompleks tregtar pranë. Përpara një komisioni
parlamentaar Ceda Jovanoviç, ish udhhëheqës i lëvizjes
anti-Millosheviç, dhe sot zëvendëskryeministër,
ka pranuar se ka takuar së paku një herë Spasojeviçin,
por që kjo "ishte në interes të shtetit",
ka thënë Jovanoviç, pa bërë saktësime
të mëtejshme.
Në
fakt sot nuk do të flitej për Spasojeviçin, nëse
ai do të kishte qëndruar thjesht shefi i klanit "Zemun".
Problemi qëndron në atë se ai shkoi shumë më
larg. Për autoritet serbe ai ka qenë një ndër
dy organizatorët kryesorë të vrasjes së kryeministrit
Zoran Xhinxhiç, 12 marsin e kaluar.
Komploti
u dirigjua nga ai dhe Millorad Ulemek, i njohur me emrin Lukovic
apo Legija. Ky emër i fundit lidhet me atë se ka qenë
pjesëmarrës në Legjionin e të huajve të
ushtrisë franceze në rininë e tij. Legija ka qenë
dhe shef i njësisë së operacioneve speciale të
shërbimit sekret serb, të njohur ndryshe si "Beretat
e Kuqe".
Ndryshe
nga ç'shpresonin komplotuesit qeveria nuk ndenji mënjëanë
pas vrasjes së Xhinxhiçit. Në vend u vendos gjendja
e jashtëzakonshme dhe u bënë mbi 4000 arrestime në
mesin e njerëzve të përfshirë në krimin
e organizuar dhe rrethet paraushtarake aktive në luftërat
e Bosnjës dhe Kroacisë.
Vila
e Spasojeviçit me numër 38 në rrugën Silerova
u rrafshua me tokën nga buldozerët me urdhër të
qeverisë. Vetë Spasojeviç u vra nga policia në
29 mars, në një fshat të izoluar, jo larg Beogradit,
ku ai dhe një bashkëpunëtor i tij fshiheshin.
Sipas
versionit zyrtar të policisë, të dy u vranë
derisa kishin bërë rezistencë ndaj policisë,
kur kjo e fundit kishte vajtur për t'i arrestuar.
Por
askush në Serbi nuk beson në këtë version. Njerëzit
mendojnë se të dy mafiozët u vranë, që
të mund të mos flisnin përpara drejtësisë,
pasi ata dinin shumë për kompromiset e njerëzve të
Partisë Demokratike në pushtet dhe zyrtarëve të
lartë të policisë.
Duke
folur mbi baza thjesht ligjore vrasja e tyre është humbje
e madhe, pasi ata ishin të informuar për Legijën,
shefin e komplotit, i cili sot nuk gjendet,dhe me siguri besohet
të jetë jashtë vendit.
Mundëm
të takonim vjerrën e Spasojeviçit, një nëpunëse
zyre, që jetonte në një apartament rreth një
kilometër larg vilës numër 38 në rrugën
Silerova, e cila rreth vrasjes së tij thotë se "deri
në momentin që ai pati fatin e keq të lidhej me politikën,
nuk ka pasur gjasa t'i ndodhte gjë".
Për
popullin e rëndomtë në Serbi, krimi i organizuar
dhe politika janë dy gjëra që bëjnë një
të tërë.
Regjimi
autoritar i Millosheviçit në vitet 1990 - 2000, nën
mbulesën e nacionalizmit, në mënyrë të
konsiderueshme ka ushqyer krimin e organizuar dhe njëherësh
i ka përdorur rrethet e krimit të organizuar për
të kryer punët e veta.
Krime
kryesore të luftës të kryera në Kroaci dhe Bosnjë
janë bërë nga bandat paraushtarake, anëtarët
e të cilëve kishin dosje të tëra me vepra kriminale.
Një
pjesë e mirë e shefave të ketyre grupeve u pasuruan
nga shkelja e embargos dhe kontrabanda ne Serbi. Shembulli më
tipik ishte Arkani, që përfundoi i vrarë në
hotelin Interkontinental në Beograd, pa dyshim sipas urdhërave
të të birit të Millosheviçit, që e kishte
filluar biznesin nga Arkani.
Një
ndër kundërshtarët kryesorë politikë gjatë
viteve të Millosheviçit, Zoran Xhinxhiç, i diplomuar
shkëqyeshëm në filozofi në një universitet
gjerman, dhe që kishte arritur shumë i ri në moshë
në krye të Partisë Demokratike (formacioni më
i vjetër politik në Serbi), personalisht nuk ishte i tërhqur
nga rrethet e krimit të organizuar. Por ai u vra pasi kishte
bërë pakt me djallin. Dhe ja historia e paktit, që
nis diku në fillim të verës së vitit 2000.
Në
atë kohë një shans historik paraqitej për opozitën
serbe. Rreth një vit pasi Serbia kishte humbur Kosovën
dhe Millosheviçit i ishin ngritur aktakuzat nga Gjykata e
Hagës, Millosheviçi vendosi mbajtjen e zgjedhjeve presidenciale,
ku ai do të kandidohej vetë.
Nën
presionin e amerikanëve, partitë e opozitës demokratike
serbe, të cilat ishin plotësisht të përçara,
arritën të dilnin me një kandidat të përbashkët
në këto zgjedhje presidenciale, Vojisllav Koshtunicën,
një nacionlist të moderuar.
Organizator
i pakonkurrencë, Xhinxhiçi u bë drejtuesi i fushatës
dhe platformës së opozitës serbe të bashkuar,
e cila kishte mbështetje financiare, të pa bërë
publike, nga qeveria amerikane.
Pragmatik
siç ishte, Xhinxhiçi e kuptoi se Millosheviçi
edhe pse i mundur nuk do ta lëshonte pushtetin. Ndaj për
ta rrëzuar diktatorin opozita duhej të dëshmonte
forcën. Dhe për t'ja arritur kësaj ai ishte i gatshëm
të bënte aleancë me këdo.
Dëshmitari
në martesën e tij, Dragoljub Markoviç, biznesmen,
i cili e kishte vënë pasurinë me tregtinë e
mallrave ushqimore, e vë Xhinxhiçin në kontakt
me Lubisha Buhën, i njohur me emrin Kume, shef i klanit Surçin,
i cili ishte i vendosur në rrethinat e Beogradit pranë
aeroportit. Pasi kishte vënë pasuri me shitjen e veturave
të vjedhura, Kume u bë një nga baronët e drogës.
Gjatë verës së vitit 2000 Kume kishte disa cilësi
tepër të domosdoshme: ai zotëronte armë dhe
njerëz në sasitë e duhura, por mbi të gjitha
lidhje të shkëlqyera me policinë sekrete dhe veçanërisht
me Legijën, ish njeri i Arkanit, tashmë shef i "Beretave
të Kuqe". Spasojeviçi i rrugës Silerova, ishte
një nga më të afërtit në biznesin e Kumes.
Ecja
mbarë e bizneseve të ketij të fundit varej drejtpërsëdrejti
nga lidhjet me politikën dhe Kume e kuptoi menjëherë
se Millosheviçit i kishte ardhur fundi, ndërsa Xhinxhiçi
paraqiste të ardhmen.
Xhinxhiçi
gjithashtu e dinte se për të mbrojtur pushtetin e tij
Millosheviçi përdorte "Beretat e Kuqe", ndërsa
Xhinxhiçi duhej t'i afrohej "Beretave" për
të mënjanuar një gjakderdhje masive. Në shkëmbim
të kësaj Xhinxhiç premtoi se pushteti i ardhshëm
asnjëherë nuk do të ngrinte aktakuza apo do të
hetonte krimet e së kaluarës të kryera nga "Beretat
e Kuqe" në Kroaci, Bosnjë apo vrasjet politike brenda
Serbisë.
Në
24 shtator Koshtunica fiton 51 për qind të votave, në
turin e parë të zgjedhjeve, por komisioni zgjedhor nën
urdhërat e Millosheviçit nuk pranon rezultatet. Serbët
fillojnë të dalin nëpër rrugë duke thirrur
"Gotov je" - "Mbaroi".
Prova e forcës u vendos nga opozita që të bëhej
më 5 tetor, ku do organizohej një manifestim i madh nga
drejtuesit e opozitës, përpara parlamentit të vendit.
Mëngjesin e asaj dite njerëzit nga gjithë Serbia
nisën të vinin në Beograd. Në mënyrë
sekrete në orën 6 të pasdites, të po asaj dite,
Xhinxhiçi dhe Legija takohen.
Në
orën tre pasdite, përpara parlamentit ishin mbledhur mbi
gjysmë milion protestuesish. Policia përdori fillimisht
gaz lotsjellës, por në orën 16 demonstruesit ishin
në Parlament.
"Beretat
e Kuqe" që nuk ishin larg nga vendi i ngjarjes thjesht
injoruan urdhërat e Millosheviçit. Legija u shndërrua
në ikonë të revolucionit, ai ishte njeriu që
nuk lejoi gjakderdhjen. Të nesërmen Milloshevçi
pret Koshtunicën dhe pranon humbjen e zgjedhjeve përpara
kamerave të televizionit.
Tre
muaj më pas opozita demokratike fiton zgjedhjet parlamentare
në Serbi dhe Xhinxhiçi bëhet kryeministër
i Serbisë, post i cili kishte realisht pushtetin.
Ndërsa Legija u shndërrua në shërbëtorin
më të mirë të qeverisë së re. Ishte
ai që në prill të 2001 realizoi aksionin kundër
vilës së fortifikuar të Millosheviçit për
të arrestuar ish presidentin. Xhinxhiçi kishte siguruar
Legijën se Millosheviç do të gjykohej në Serbi.
Tre
muaj më vonë Millosheviçi u dërgua në
Hagë, vendim që Xhinxhiç e morri nën presionin
e amerikanëve, derisa Koshtunica ishte në vizitë
jashtë vendit.
Në
këtë kohë mes Xhinxhiçit pragmatik dhe Koshtunicës
kushtetues, dallimet u bënë shumë të mëdha
dhe ata thjesht nuk merreshin vesh.
Dërgimi
i Millosheviqit në Hagë ishte vetëm një dru
në pyll. Ish regjimi serb mbështetej në katër
shtylla, pollicinë, ushtrinë, oligarkinë financiare
të pasuruar në bazë të operacioneve të
paligjshme të bëra nën ombrellën e shtetit dhe
shërbimin sekret. Por asnjë nga këta sektorë
nuk pësoi ndryshime apo nuk u pastrua pas revolucionit të
5 tetorit.
Hirearkitë
e këtyre shtyllave bënë kompromis dhe aleancë
me qeverinë e re, ushtarakët u rreshtuan pas Koshtunicës,
derisa të tjerët qëndruan me Xhinxhiçin. Por
njëherësh ata nuk ishin të gatshëm të pranonin
rregullat e një shteti ligjor.
Njëherësh
këto grupe dinin të luanin dhe të shfrytëzonin
fare mirë rivalitetet ekzistuese brenda pushtetit dhe pikërisht
mes presidentit, qe e quante vendin ende Republika Federale e Jugosllavisë
dhe kryeministrit të Serbisë.
Dhe
pikërisht në këtë kohë Kume u ftua nga
njerëzit e Xhinxhiçit që të legalizonte bizneset
e tij. Kume filloi të ishte aktiv në punët publike,
përmes një kompanie të quajtur Difens Road. Qeveria
njëherësh i besoi një morri kontratash, siç
ishte ajo për rrugën Beograd - Nish. Në atë
kohë mediat në Beograd kanë shkruar se dhënja
e këtyre kontratave nuk ishte bërë në mënyrë
transparente.
Në
gusht të vitit 2001, Momir Gavrilloviç, ish oficer i
shërbimeve sekrete, shkonte në pallatin presidencial për
t'u takuar me tre këshillatarë të ngushtë të
Koshtunicës. Ka prova që dëshmojnë se ai do
të ofronte takimet e Xhinxhiçit me njerëzit e klanit
Surçin. Gavrilloviç është vrarë po
atë natë, në rrethana misterioze.
Në
nëntor të vitit 2001 "Beretat e Kuqe" të
komanduara nga Legija, organizuan një protestë. Të
armatosur me xhipat e tyre kamuflazh, ata bllokuan për disa
orë një pjesë të rrugës në periferi
të Beogradit. Përmes këtij demonstrimi force, njësia
e operacioneve speciale synonte të tregonte pakënaqësinë
e saj ndaj qeverisë. Me urdhër të ministrit të
brendshëm, por pa i ditur motivet, "Beretat e Kuqe"
kishin arrestuar dy vëllezër të cilësuar si
"shumë të rrezikshëm". Ata ishin dy serbë
të Bosnjës, të akuzuar për krime lufte nga Gjykata
e Hagës. Beretat këtë nuk mund t'ia falnin sërish
qeverisë.
|