Në
Luginë, dhuna ndërshqiptare godet ish të burgosurit
dhe gazetarët
Shkruan:
Malë Berisha
Ekceset
ndërshqiptare në Luginë të Preshevës nuk
janë shfaqur shpesh si akte dhune. Mund të themi se të
gjithë liderët partiakë janë të kujdesshëm
në qërimin e hesapeve me kundërshatrët politik,
por megjithatë fërkime ka. Ana më e keqe e medaljes
së ekceseve ndërshqiptare në Luginë të
Preshevës janë marëdhëniet e krerëve politikë
me ish të burgosurit dhe me gazetarët. Këto relata
në Luginë të Preshevës janë katastrofale,
e kjo gjendje vazhdon të mbretëroj edhe sot e kësaj
dite.
Në
përmbajtjen e shqiptarëve nga ekceset e mundshme ka ndikuar
edhe situata e rëndë këtu pasi shqiptarët e
këtyre trevave të fundit dolën nga regjimi totalitar
i Millosheviqit. Në këtë shkrim do t'i parqesim ekceset
në Luginë të Preshevës edhe ate në periudhën
e formimit të partive politike nga se atëherë kishte
edhe ekcese të cilat ishin pak sa më të dukshëme.
Dhuna
ndaj Ibrahim Kadriut
Edhe
në trevat shqiptare të Luginës së Preshevës
pas vitit 1990 u formuan partitë poltike shqiptare. Më
pastaj edhe në organizim të partive politike u organizua
edhe Referendumi për Autonomi me të drejtë Ribashkimi
me Kosovë. Meqë në atë kohë Milloshviqi
ishte në formën e tij më të madhe dhe vetëm
se kishte filuar lufta në Kroaci në Luginë të
Preshevës duhej të zgjidhej kryetari i Kuvendit për
Autonomi dhe kjo ishte sfidë për të gjithë liderët
e këtushëm. Ata që ishin në krye të partive
poltike hezitonin t'a merrnin këtë post, pasataj u bisedua
që këtë post ta marr deputeti në paralamentin
serb nga kjo anë Behlul Nasufi por kjo ishte "patate e
nxehtë" për të gjithë.
Më
në fund doli Ibrahim Kadriu dhe si të themi e pranoi postin
e kryetarit të Kuvendit për Autonomi, duke rrezikuar që
pa një pa të burgoset që nga momenti kur do të
bëhej publike kjo. Kadriu iu shpëtoi nderin liderëve
shqiptar të pa eksperiencë demokratike.
Por
me të mbaruar referendumi liderët partiak të cilët
dikur ishih kolegë pune me Kadriun pasi kishin punuar si mësimdhënës
në Qendrën Arsimore "Skënderbeu" filluan
t'i shprehin mospajtimet dhe mosbesimet në aftësitë
politike të Ibrahim Kadriut. Liderët partiak në këto
raste sidomos kryetari aktual i KK të Preshevës e "hudhte
gurin dhe e fshihte dorën". Loja përfundoi kur njëri
nga antarët e kryesisë së Partisë për Veprim
Demokratik fizikisht sulmoi Ibrahim Kadriu duke e qitur nga salla
ku mbahej një tubim poltik në Preshevë. Çka
ishte më së rëndi askush nuk regaoi për këtë
rast dhe asnjëri prej liderëve partiak nuk ngriti zërin.
Më
vonë pas këtij ekscesi Ibrahim Kadriut iu morën të
gjitha kompetencat bile edhe diku rreth 1700 franga zvicerrane të
cilat mërgimtarët e kësaj ane i kishin tubuar për
të funksionuar Kuvendi për Autonomi.
Ndoshta
edhe nuk do të vinte deri te realizimi i autonomisë kurrë,
kushedi. Por struktura komplete poltike sot në Preshevë
bart përgjegjësi që Ibrahim Kadriu sot nuk vjen në
shprehje askund as bile për të dëshmuar se si ishin
formuar strukturat udhëheqëse e Kuvendit për Autnomi
etj.
Gazetarët dhe të burgosurit politik
Të
burgosurit politikë në Luginën e Preshevës janë
një grup kundër të cilit janë zhvilluar fushata
të urrejtjes. Në fillim ata sulmoheshin tërthorazi,
e më vonë krejt hapur. Liderët që dikur ishin
edhe në strukturat e ndryshme komuniste e që gëzonin
privilegjet në kohën e Titos filluan kanë përhapur
insinuata se ish të burgosurit politikë gjatë qëndrimit
në burg kanë bashkëpunuar me policinë sekrete,
se të burgosurit janë enveristë, markistë, etj.
Por
kjo fushatë kurë nuk i kaloi kufijtë e sulemeve verbale.
Dihej që projugosllavët e dikurshëm më tepër
kishin dëshirë t'i revidonin biografitë e tyre se
sa të burgosurit poltik. Këta edhe në atë kohë
por edhe sot kanë koncepte krejtësisht të ndryshme
për zgjedhjen e çështjes shqiptare këtu. Mjerisht,
këto koncepte nuk erdhën në shprehje të materializohen
as në kohën e luftës.
Sipas
liderëve që edhe sot ndodhen në pushetin lokal, kundërshtarët
kryesor të tyre që nga vitete nëntëdhjeta e
deri sot mbesin gazetarët. Fizkisht u slumua në Preshevë
korrespondenti i "Rilindjes" Mexhit Mehmeti. Edhe ai u
sulmua nga antar të PVD - së së Halimit. Aspak më
mirë sot nuk kalojnë korrespondentët e RTK- së,
RFI - së dhe gazetarët e tjerë të lirë
të cilët nuk mendojnë si pushteti lokal. Dy gazetarëve
të lirë të cilët i dhanë hapsirë në
shkrimet e veta ish komandantëve lokal të UÇPMB-së
iu nëdrrua vendi i punës, përmes ndikimeve të
paligjshme të krerëve komunalë shqiptarë.
Marrë
në përgjithësi eksceset ndërshqiptare në
Luginë të Preshevës janë të vogla nga se
kujdesi është më në nivel sidomos kur marrim
parasysh rrethanat në të cilat ketojnë shqiptarët
e Luginës së Preshevës.
|