Mediat
shqiptare ne Kosovë dhe gënjeshtra
Shkruan:
Gëzim MEKULI
Do
të ishte e panevojshme që të shfrytëzojmë
shumë hapsirë mediale e të ripërsërisim
se, gazetarët dhe gazetaret nuk do të duhej të gënjenin,
pra do të duhej të jenë të besueshëm. Këtë
e dime që moti! Besueshmëri gazetareske, para së
gjithash, matet me kutin se ç'mendojnë tjerët për
ne gazetarët. Etika është tregues i asaj se, c’farë
njerëzish jemi ne; si jemi të brymosur ne.
E
para është vetëm imazhi, e dyta do të ishte
bërthama. Është me rëndësi, dhe njëkohësisht
jo e lehtë, që të kemi gazetari të pavarur,
objektive dhe jo partiake. Dihet se, vetëm një shoqëri
që ka gazetari profesionale dhe objektive është një
shoqëri e informuar mirë. Walter Lippmann, në vitin
1920 tha: "Liria, qetësia, mirëqenja dhe siguria
sociale nuk mund të egzistoj në një shoqëri,
po që se aty nuk egzistojnë mekanizma dhe/apo mjete që
do të zbulonin dhe dekonspironin gënjeshtrën".
Zbulojnë
mediat shqiptare gënjeshtrën? Apo, janë këto
prodhues të saj?
Egzistojnë
ca media në hapsirën shqiptare, që janë duke
prodhuar radio e TV programe me përmbajtje edukative, historike,
kulturore e hulumtuese. Por kjo nuk vlenë për shumicën
e mediave. Pa nguritje mund të vijmë në përfundim
se, shumë industri mediale i gjasojnë gazetave antishqiptare
të viteve të '70,’80,'90-ta, si Politika e Beogradit
apo Pravda dhe Izvestia ruse.
Çfarë
është karakteristikë e këtyre mediave? Zakonisht
ky grupim i madh medial prodhon lajme të pakontrolluara, të
deformuara dhe shpesh të falsifikuara. Sidoqoftë, qëllimi
i gënjeshtrave, të lansuara nga këto media, është
që ta bëjë sa më atraktiv shpërnarjen e
sajë, ta dezorientoj, dhe të instaloj pasiguri në
rrethe të caktuara politike, ekonomike e kombëtare...
Këto gënjeshtra, jo rrallë, fabrikohen e sofistikohen
në zyra të specializuara, e që kanë për
qëllim të arrijnë ndikim në opinionin politk
dhe/apo atë publik: Shumë shkenctar shpërndarjen
dhe ndikimin e gënjeshtrave e konsiderojnë si epidemi;
Ato janë të errëta, të pashëndosha e dinake.
Këto shpërndahen ngadalë por sigurtë. Gënjeshtrat
mediale janë të "ngjyrosura" dhe mund të
drejtojnë në tronditje të opinionit publik. Këto
mundë të çojnë ne trazira me pasoja politike,
ekonomike e sociale.
Kjo
formë e përmbajtje "informimi", që po "gjallon"
në shumë media shqiptare dhe që po ushqehet nga shumë
organizma ndërkombëtare, do të mund të defonohej
edhe si treg i zi e krejtësisht joetik i informatave! Shtrohet
pyetja: a do të përjeton opinioni publik dardanas që
gënjeshtra të mos i definohet (nga mediat) si e vërtetë,
dhe e vërteta si gënjeshtër?
Programi
radio-televiziv nuk do të duhej të ishte "religjion
i ri" i shtetit (kupto UNMIK-ut) dhe/apo politikës, i
cili po udhëhiqet nga depratamenti i kulturës dhe personat
"e pavarur" e "të paangazhuar" në
politikë.
Shteti
dhe/apo politika ditore nuk do të duhej të bënte
gabimin e madh, që nëpër mes radiotelevizionit publik
të tentoj të udhëheq dhe të kontrolloj rrymat,
temat dhe agjendat e të gjithave diskutimeve publike në
Kosovë dhe jashtë saj. Sepse kjo i detyron gazetarët
të gënjejnë. E gazetarit që gënjen s'i
beson askush. |