Tolerancës
fetare i duhet ligji për të mbetur e tillë
Shkruan:
Iliriana BAJO
Qeveria
franceze miratoi ligjin, përmes të cilit nuk lejohet që
në shkollat publike të mbahen veshje apo simbole që
asosaciojnë nxësësin me një besim fetar të
caktuar.
Kjo
do të thotë që vajzat e fesë myslimane nuk mund
të veshin shaminë e kokës, nxënësit hebrejë
nuk mund të mbajnë kapelet tradicionale, indusët
nuk do të mund të vijnë me turbanë apo nxënësit
e krishterë nuk do të lejohen të mbajnë kryqe
të mëdha.
Pavarësisht
diskutimeve që ka ngjallur ligji, synimi kryesor i një
ligji të tillë, sipas drejtuesve më të lartë
të shtetit francez synon të ruajë ndarjen mes shtetit
dhe fesë. Kjo ndarje është një nga elementët
themelorë jo vetëm të Francës, por në përgjithësi
të atyre që njihen si demokraci perëndimore.
Ligji
në fjalë është miratuar pas disa vitesh debati
dhe incidentesh në shkollat publike franceze lidhur me nxënëset
e besimit islam apo nxënësit hebrej.
Ligji
më i fundit ishte një hap më tej për të
theksuar laicitetin e shtetit. Debati i cili nisi në mediat
dhe shoqërinë franceze morri formën e një ligji.
Në
fund të vitit 2003 incidenti për përkthyesen me shami
në kokë, bëri që disa prej zëdhënsve
dhe punonjësve në departamentet e informacionit në
institucionet e Kosovës të ndërpresin vizitën
në Gjermani.
Me
pak fjale incidenti përmblidhej në atë që disa
prej pjesëtarëve të delegacionit të Kosovës
e vlerësuan si provokim të rëndë dhe qëllimkeq,
që në vizitën e tyre në institucionet gjermane
përkthyesja do të ishte e mbuluar. Vizitën në
fakt e vazhdoi deri në fund një pjesë delegacionit
të Kosovës, duke sjellë argumenta të ndryshme.
Kundërshtarët
e përkthyeses me shami në kokë thanë se kjo
ishte kundër Kosovës dhe synonte të krijonte përpara
institucioneve gjermane imazhin e gabuar për shoqërinë
kosovare.
Ndërkombëtarët,
ata që ishin organizatorë të vizitës, bënë
sqarime, që më shumë e errësuan se e sqaruan
incidentin.
Megjithatë
ankesa e atyre që e ndërprenë vizitën se qarqe
apo individë të caktuar donin të paraqesnin një
imazh të gabuar të shoqërisë e femrës kosovare,
i hapi rrugën një debati: Debatit lidhur me rolin e fesë
dhe shtetit.
Pas
një incidenti të tillë, fjalën në shoqëritë
që i cilësojmë demokratike e marrin institucionet.
Së
pari hidhen bazat ligjore, përcaktohet me ligj se shteti dhe
feja janë të ndara, se shoqëria në Kosovë
dhe shteti i ardhshëm janë e do të jenë laike.
Të qenurit laik do të thotë respekt për besimet
fetare, gjithashtu të siguruara me ligj, por që feja nuk
është pjesë e qeverisjes së shtetit.
Nga
ana tjetër përgjigjja më e mirë ndaj drojës
së gjithkujt lidhur me njerëzit cfarë do të
thotë se në institucionet shtetërore nuk lejohet
mbajtja e simboleve fetare dhe se veshjet që asosaciojnë
me fe të caktuara nuk duhet të jenë pjesë e
institucioneve të shtetit. Kjo i përshtatet dhe realitetit
të Kosovës, ku popullsia i përket fesë islame,
katolike apo ortodokse, çfarë do të thotë
se asnjë feje nuk mund e nuk duhet t'i jepet përparësi.
Megithatë
incidenti me përkthyesen përveç disa kornikave
nëe media, natyrisht debateve nëe kafene, mbeti me kaq.
Ata
që u shqetësuan se imazhi i Kosovës qëllimisht
po keqparaqitej, harruan se për t'i dhënë fund problemeve
të tilla, duhet vendosur ligji. Dhe para ligjit të tjerët
duhet të heshtin.
Por
askush nuk u kujtua, që përveç akuzave dhe deklaratave
se dikush mendon më shumë e dikush mendon më pak
për Kosovën, ta vendosin nëe baza ligjore kontrollin
e përdorimit të simboleve fetare. Në këtë
rast edhe ata që duan ta shtrembërojnë imazhin e
Kosovës, nuk do të kenë mundësi.
Incidenti
me përkthyesen me shami të OSBE-së, ishte sërish
një tjetër dëshmi se ende përfaqësuesit
e institucioneve të Kosovës, nuk janë mësuar
dhe nuk praktikojnë zgjidhjen ligjore të problemeve.
Përfaqësuesit
e departamenteve të informacionit të institucioneve të
Kosovës ngritën dhe problemin tjetër se përkthyesja
e mbuluar e OSBE-së nuk përfaqëson femrën e
sotme në Kosovë.
Por
fjalët e tyre ishin vetëm deklarata, pasi ndonëse
shqetësoheshin për imazhin e femrës nuk u kujtuan
të ndalonin e të mendonin për një moment se
në delegacionin ku bënin pjesë, si përfaqësues
të departamenteve të informacionit të institucioneve
të Kosovës nuk kishte femra. A nuk ishte dhe ky fakt dëshmi
e përfshirjes së femrës në shoqëri, apo
imazh i gabuar i Kosovës?
Kanë
kaluar disa muaj nga incidenti i mësipërm. Ai është
harruar nga ata që e krijuan, nga ata që bënë
zhurmë dhe nga mediat.
A
do të përballemi sërish me situata të tilla?
Natyrisht që po, pasi problemi është lënë
sërish në dëshirat e njerëzve dhe nuk i është
bërë zgjidhje ligjore, që është e vetmja
afatgjatë.
Siç
duket zgjidhjet afatgjata duan aftësi dhe kurajo. Cila mungoi
për t'i dhënë rrugë ligjore problemit? Ndoshta
të dyja…
|