Lugina
e Preshevës
VITI
I KALAMENDJEVE POLITIKE
Shkruan:
Mal BERISHA
Ky
vit në Luginë të Preshevës ka kaluar pa ndonji
rezultat të veçantë të shqiptarëve të
këtyre trevave. Në Bujanoc është fituar pushteti
lokal por ai pushtet është i brishtë dhe qëndron
në këmbë të qelqta. Në Preshevë jeta
politike është e bunkerizuar, e neveritshme dhe e paperspektivë.
Në Medvgjë vazhdon shpërngulja e shqiptarëve
të atjeshëm dhe ekziston rreziku që historia e dëbimeve
të shqiptarëve nga ato vise të vazhdoj mu aty ku
mbeti në viete 1876 - 77.
Jeta politike e shqiptarëve në Luginë të Preshevës
i gjason njeriut të dehur në mbrëmjen e kaluar dhe
kur ai e pyet veten "pse e bëra këtë!?".
E liderët shqiptarë të kësaj treve nganjëherë
në mos publikisht, të paktën vetë më vete
duhet të pyesin ku mbeti realizimi i platformës shqiptare?
A u shfrytëzua në maksimum përkrahja e faktorit ndërkombëtar?
A u dogj karta e zgjidhjes së çështjes shqiptare
në favor të shqiptarëve? Kur do të mësohen
liderët tanë të mos jenë dyftyrësh, që
oponionit shqiptar t'i flasin ndryshe e Nebojsha Çoviqit
t'i përkulen si të mjerë!
Viti
që po kalon
Ky
vit në Luginë të Preshevës kaloi në shenjë
të mbajtjes së zgjedhjeve të parakohshme në
komunat e Preshevë, Bujanoc dhe Medvegjë.Zgjedhjet u mbajtën
në fund të korikut. Ato ishin të rëndësishme
për komunën e Bujanocit nga se atje me dekada shqiptarët
edhe pse ishin shumicë nuk kishin lejuar nga serbët që
t'a kryesojnë pushetin lokal. Por në korrik, më në
fund edhe pas një muaji të mbajtjes së zgjedhjeve
dhe pas shumë peripecive serbët e këtueshëm
e pranuan realitetin dhe pikërisht më 29 gusht 2002 Nagip
Arifi u emrua prefekt i komunës së Bujanocit.
Por edhe këtu pati mosmarveshje të cilat i poshtruan shqiptarët.
Duke parë se puna nuk ishte dobro liderët shqiptarë
luanin me fatine shqiptarëve të komunës së Buanocit
nga se Medevgja tani ishte e vdekur! Luhej në kartën se
në Preshevë nuk ka nevojë që të mbahen
zgjedhjet lokale nga se situata gjithnji ka qenë më dobro
se në Bujanoc dhe Medvegjë! Sikur nuk kuptohej se me këtë
rrezikohej me prolongim të marrjes së pushetit nga shqiptarët
e komunës së Bujanocit por qartë dukej se paternazlimi
ndaj shqiptarëve të Bujanocit mbaronte dhe nuk ishte e
vërtetë se "atje nuk ka lider shqiptar që di
të udhëheq me pushetin lokal!" Me një fjalë
marrja e pushtiti lokal në Bujanoc rrezikonte që të
dalin sheshit marrëveshjet e fshehta në mes JUL -it të
Mira Markoviqit dhe një pjese të liderëve shqiptarë!
Këto lojëra nuk i pëlqyen "kreatorit të
paqes" këtu Nebojsha Çoviqit i cili shkurt tha
dhe ashtu u bë: "Zgjedhjet do të mbahen edhe në
Preshevë se kjo parashihet me planin tim."
Me sjelljet e tyre liderët shqiptarë disa herë e
ndihmuan Çoviqin që të shënojë gol por
jo nga aftësitë e tij sa nga gabimet e atyre të "moderuarve"
që përçanë së pari komandantët e
Ushtrisë Çlirimtare të Preshvës, Bujanocit
dhe Medvegjës për hir të miqësisë së
vjetër me boshnjakun Rasim Lajiq, i cili tani po i ndihmon
pikërisht në mënyrë të ndërsjellë
liderët shqiptarë për të bërë pishina
nëpër oborre të shtëpisë dhe duke koordinuar
politikën me atë të Koshtunicës për të
cilin edhe publikisht ftohet popullata shqiptare të votojë
në zgjedhjet e dështuara për president të Serbisë.
Serbët vetë nuk dëshirojnë për liderin
e tyre ndërsa shqiptarët publikisht ftohen që të
votojnë për Koshtunicën me kalashnikov në dorë!
Megjithatë suksesi i vetëm është zgjedhja e
prefektit në Bujanoc ku shqiptarët në këtë
komunë vërtetuan se dinë të bashkohen dhe dijnë
të kanalizojnë vetëdijen politike duke mos pasur
nevojë më tutje që të udhëhiqen vetëm
"nga një babë i kombit nga Presheva."
Nagip Arifi në Bujanoc iu qas punëve në mënyrë
serioze dhe tani pas katër muajve ka arritur së pari t'a
stabilizojë gjendejn në komunë duke punësuar
njerëz të rinj në admnistratën komunale por
për nga aftësia e jo për nga bindjet partiake. Me
transparencën tij Arifi gjeti përkrahje tek ndërkombëtarët.
Bujanoci sot është komuna më e skajshme e tokave
shqiptare ku ka filluar të lind një vullnet i ri i harmonizuar
me kohën dhe i cili vullnet është në gjendje
të ballafaqohet me realitete të reja.
Gjendje e rëndë vazhdon të mbretëroj në
komunën e Medvegjës. Atje kanë mbetur vetëm
450 shqiptar, nga 4000 sa ishin më parë.
Fati
i ish - luftëtarëve të Ushtrisë Çlirimtare
për Preshevë, Bujanoc dhe Medevgjë
Këtë
vit disa herë radhazi ka ndodhur që nëpër shtyp
të botohen vendime të gjykatave serbe se kësaj herë
janë amnistuar filan komandanti apo fistek ushtzari i UçPMB-së...
Kjo shtyn të dyshosh se megjithatë ka ekzistuar një
koordinim me palën serbe se kur dhe në çfarë
kohe të amnistohen disa komandantë në mënyrë
që ata "të mos e rrezikojnë paqen e Çoviqit."
Por shtrohet pyetja: çka bëjnë sot një numër
i madh i ish - luftëtarëve. Një numër i tyre
simbolikë është kyçur në policinë
multietnike edhe pse trumpetohej se në polici do të kyçen
eksluzivisht ish - luftëtarët shqiptarë por më
së pari vrapuan ata të cilët ia dinin hujin pushetit
serb dhe bënë të pamundurën për t'i bërë
policë bijtë e tyre.
Një pjesë e ish - luftëtarëve gjendet në
Kosovë. Atje punojnë ngapak dhe memzi gjallërojnë,
ndërkaq këtu, në Luginë të Preshvës
mund të ndëgjohen fjalë "se një gjë
të tillë e kanë merituar nga se nuk kanë qenë
të ndëgjueshëm ndaj politikanëve të këtueshëm."
Një numër gjenden këtu dhe punojnë punë
krahu apo nuk punojnë fare. Ata mund t'i hasësh edhe duke
shitur dru në treg për të mbijetuar. Por a ka mundur
të gjendet punë bile në Preshevë. Po edhe jo!
P.sh. Gjykata komunale në Preshvë edhe pse qyteti është
i përbërë prej 97% shqiptarëve ka vetëm
tre shqiptar! Pastaj ndërmarrja e Hekurudhës, jo vetëm
udhëhiqet nga serbët e Vranjës por edhe përbërja
etnike e të punësuarve është qind për qind
serbe. Apo ta marrim si shëmbull Kuvendin Komunal të Preshevës,
ku prej mbarimit të Luftës janë punësuar vetëm
5 veta dhe ata, të gjithë anëtarë të Partisë
për Veprim Demokratik.
Shikuar realisht sidomos në Preshvë mbretëron një
plogështi dhe kalamendje politike.
Flamuri
i ndaluar shqiptar
Edhe
këtë vit në Luginë të Preshvës për
festën e Ditës së Flamurit pati tollovi protesta
dhe m'u në këtë ditë të rinjtë me
vullnetin dhe vrullin rinor dëshironin "ti shqiptarizonin
liderët, për të cilët kishin votuar pleqët
e tyre patriarkal". Ata brohoritën rrugëve të
Preshevës dhe vendosën flamurin në ndërtesën
e Kuvendit Komunal e në Bujanoc, flamuri u vendos edhe nëpër
vendbaimet shqiptare.
Ligji i mikut të politikanëve shqiptarë, Lajiqit
është cinik sa edhe vetë Lajiqi nga se "pakicat
kanë të drejtë të përdorin flamurin por
ndalohet flamuri i cili është simbol i ndonji shteti të
huaj."
Lidhur me propozimin e kryetarit të Kosovës, Ibrahim Rugova
qytetarët e Luginës së Preshevës kanë mendime
të ndara, më shumë contra se pro, sepse në këtë
rast shtrohet pyetja cili do të jetë Flamur për shqiptarët
e këtyre trevave të këputura nga trungu?
Çështje tjetër më vete, por që këtu
peshon shumë më rëndë, është se njerëzit
në Luginën e Preshevës, siç po i themi tash
Kosovës Lindore, ditë e më tepër po e ndiejnë
se janë lënë anash, për të mos thënë
se janë harruar nga elita politike shqiptare përgjithësisht.
|