Kronikë
e fillimvitit - 2003
Mbi 15 mijë hektarë tokë bujqësore janë
shkatërruar në Kosovë, pas përfundimit të
luftës.
1
janar
Nënat
dhe të afërm të personave të zhdukur që
nga koha e luftës në Kosovë e pritën Vitin e
Ri 2003 në mjediset e KMLDNJ-së, në Prishtinë,
në shenjë proteste për moszbardhjen e fatit të
më të dashurve të tyre.
Buxheti
i Kosovës për vitin 2003 do të jetë 517 milionë
euro, prej tyre 492 milionë euro janë të hyra vendore,
ndërsa vetëm 25 milionë janë kontribute të
donatorëve
2
janar
Një
grup prej afro 20 vetësh tentuan të hyjnë me forcë
në burgun e Dubravës. Dy prej tyre janë arrestuar,
kanë njoftuar burimet e KFOR-it.
3 janar
Udhëheqësit
politikë të shqiptarëve në Luginën e Preshevës
kërkojnë nga të rinjtë shqiptarë të
këtij rajoni, që të mos i përgjigjen thirrjes
së Ministrisë serbe të Mbrojtjes për të
kryer shërbimin ushtarak.
4
janar
Vritet
në Pejë Tahir Zemaj së bashku me djalin e tij Enisin
dhe një të afërm, Hasan Zemajn.
7
janar
Ndrec Ndreja, 28 vjecar, është kufoma e parë e identifikuar
në mesin e viktimave të masakrës së Mejës,
në Gjakovë. Në këtë masakër, të
ndodhur në prill të vitit 1999 llogariten si të humbur
500 persona.
Kryeadministratori i Kosovës, Michael Steiner mori pjesë
në ceremoninë e festimit të Krishtlindjeve ortodokse
në manastirin e Graçanicës. Besimtarët ortodoksë
i ka uruar edhe kryeministri i Kosovës, Bajram Rexhepi.
8 janar
Në
fshatin Strellc të Epërm, të komunës së
Decanit, me pjesmarrjen e mijëra vetëve, u zhvillua ceremonia
e varrimit e kolonel Tahir Zemajt, djalit dhe të afërmit
e tij, Hasan Zemaj.
Projekt
-rezoluta "Lantos-Hyde", në të cilën kërkohet
pavarësia e Kosovës është riparaqitur në
Dhomën e Përfaqësuesve të Kongresit amerikan.
Administrata e ndërkombëtare fillon aktivitetin në
veri të Mitrovicës. Sipas autoriteteve të UNMIK-ut
kjo shënon sukses në shtrirjen e pushtetit dhe në
pjesën veriore të qytetit.
Si pasojë e vjedhjes së dhunshme në mjediset e gazetës
dhe radio "Rilindjes" në Prishtinë llogaritet
të jetë shkaktuar një dëm prej 500 mijë
eurosh. Edhe arkivi 60-vjecar I "Rilindjes" është
dëmtuar.
9 janar
Qeveria
e Kosovës formoi Komisionin për Personat e Zhdukur, i
cili do të mbledhë informacione lidhur me personat e zhdukur
gjatë kohës së luftës në Kosovë.
Forumi
Rinor i Lidhjes Demokratike të Kosovës (LDK) organizon
në Prishtinë protestë pas vrasjes së tre familjarëve
Zemaj, e cila sipas zyrtarëve të LDK-së është
vrasje politike.
Mijëra njerëz morrën pjesë në protestë.
Kryeadministratori
i Kosovës, Michael Steiner dhe kryetari Ibrahim Rugova janë
takohen për të diskutuar situatën e sigurisë.
Steiner ka dënuar vrasjet, por ka tërhequr vërejtjen
udhëheqësve të Kosovës për paragjykim,
para se policia ta thotë fjalën.
Kryetari Rugova, i cili e ka cilësuar atentatin si vrasje politike,
pas takimit me Steiner-in e duket se ka zbutur qëndrimin e
tij.
10 janar
Dhjetë fëmijë prizrenas, të kombësive,
shqiptare, turke dhe rome, që pas mbylljes së jetimores
në Mitrovicë, më 1998, ishin transferuar nëpër
jetimore të Serbisë, së shpejti do të kthehen
në vendlindje.
13 janar
Procesi gjyqësor mbi vrasjen e komandant "Drinit",
rinisi në Gjykatën e Qarkut në Prizren, pas afro
gjashtë muajsh ndërprerjeje.
14 janar
Eshtrat e Fatos Limanit dhe Leonard Palucajt, ish luftëtarë
të Ushtrisë Çlirimtare të Kosovës (UÇK),
të vrarë në prill të vitit 1999 në betejën
e Koshares, u identifikuan nga ekspertët e mjekësisë
ligjore, ka njoftuar Shtabi i Përgjithshëm i Trupave të
Mbrojtjes së Kosovës.
Një paqëruajtës amerikan i KFOR-it që shërbente
në Brigadën Shumëkombëshe të Lindjes u
gjet i vdekur në dhomën e tij.
15 janar
Ministri i Jashtëm grek, George Papandreou, vendi i të
cilit ka marrë në fillim të vitit, për 6 muaj,
kryesinë e rradhës të Bashkimit Evropian, vizitoi
Kosovën, si pjesë e turit ballkanik.
16 janar
Kryeminisatri i Serbisë, Zoran Gjingjiq, ka kërkuar fillimin
e bisedimeve për statusin përfundimtar të Kosovës.
Shefi i Zyrës amerikane në Prishtinë, Rino Harnish,
ka përsëritur mbështetjen amerikane për Trupat
Mbrojtëse të Kosovës, gjatë takimit me gjeneral-Lejtnant
Agim Cekun, komandant i këtyre trupave.
17 janar
Zëdhënësi i Departamentit amerikan të Shtetit,
Richard Baucher ka deklaruar se nuk është koha për
të filluar diskutimin për statusin e Kosovës.
Mbushen 21 vjet nga vrasja e Isuf e Bardhosh Gërvalla dhe Kadri
Zekës. TMK-ja ka bërë homazhe në varret e dëshmorëve.
|