Pas
introduktës së euros në Kosovë:
GËZIMI I KTHYER NË ZHGËNJIM
Shkruan:
Skerdi SIKA
Ska shumë kohë qëkur introdukta e euros pritej
me shpresa të mëdha ndër banorët e Kosovës.
Pritjet në euron varionin prej atyre jorealiste deri në
përrallore. Në shoqërinë etnikisht të ndarë
të Kosovës, euroja qe sigurisht e vetmja temë
e nxehtë që nxiste ndjenja identike pozitive si
ndër shqiptarët, ashtu edhe ndër minoritarët.
Por
qëkur euroja hyri në Kosovë, shpresat e para janë
kthyer në kaos e zhgënjim të plotë. Introdukta
e euros ka shkaktuar tërmet prej dhjetë ballësh të
Rihterit në ekonominë kosovare. Në lëmin e konsumit
privat, euroja ia ka ngulur gozhdën e fundit në arkivol
amvisërisë së shumicës së kosovarëve.
Shtrenjtime
të papërballueshme
Arsyeja
është e njëjtë në Kosovë si në
thuaja tërë vendet ku është introduktuar euroja:
konvertimi prej valutës vendore në euro u pasua me shtrenjtime.
Në rastin e Kosovës, këto shtrenjtime, për banorët
vendas, të varfëruar nga dekadat e shembjes të ish
Jugosllavisë e nga pasojat e luftës, kanë pasoja
katastrofike.
Në
Kosovë, ndërmarrësit vendorë i ranë në
fije mjaft shpejtë se si të shfrytëzohej maksimalisht
kalimi në euro. Qysh të nesërmen e konvertimit, në
tabelat e çmimeve marka gjermane u zëvendësua me
euron, por pa u ndërruar shifra para saj. Kështu, një
mall që kushtonte 1 markë gjermane, qysh të nesërmen
e konvertimit kushtonte hiç më pak se 1 euro, pra rrafsh
dyfishi i çmimit të mëparshëm. Në shumë
raste, kur çmimet ishin të thyera, ato madje u rrumbullakësuan
përpjetë (!) p.sh. nga 1.40 marka gjermane në 1.50
euro.
Sdo
mend se rrogat e kosovarëve nuk u ngritën njësoj.
Në sektorin botor, që kontrollohet fund e krye prej misionit
të OKB-së, ato ngecën mu ashtu si ishin. Kjo përkundër
faktit se zyrtarët e OKB-së në Kosovë kishin
pasur mundësi sa të donin për ta paraparë me
kohë efektin numër një të konvertimit.
Në
sektorin privat të ekonomisë, i cili punon ende konform
ligjeve të xhunglës, në shumë raste rrogat madje
u rrumbullakësuan teposhtë. Në një vend ku 60
përqind të fuqisë punëtore janë pa punë,
punëdhënësit kishin mundësi ta vendosin kursin
konvertues pak a shumë sipas dëshirës, ndonëse
ai zyrtar ish botuar në media.
Përfundimi
i logjikshëm është se introdukta e euros në
Kosovë brenda natës e zbriti përgjysmë (!) fuqinë
blerëse të konsumuesit kosovar: pa asnjë subvencion
shoqëror, pa ndihmesa ekstra prej botës së jashtme,
e pa i bëri syri tërr misionit të OKB-së.
Ekonomia
para kolapsit
Sikur
Kosova ta kishte një ekonomi dinamike e ekspanzive, mbase këto
efekte do të përmendeshin si sëmundje foshnjore të
valutës së re.
Puna
është se ekonomia kosovare ishte para kolapsit qysh para
se të konvertonte në euro. Sipërmarrjet industriale
të xehetarisë, që një herë e një mot
i siguronin ish-Jugosllavisë gjysmën e totalit të
plumbit, zinkut e argjendit, dergjen të ndryshkura tash e 20
vjet. Shpresat më optimiste për to momentalisht janë
se dikush do ti blejë e ti shesë si hekurishte,
njësoj si ndodhi me xeheroret britanike në vitet 1980.
Shpresa
e vetme e Kosovës, ekonomia e mesme dhe e vogël, bazohet
kryesisht mbi sektorin e shërbimeve. Restorantet, kafenetë,
kafeteritë e ëmbëltoret e panumërta konkurrojnë
për tu shkulur klientëve gjithnjë e më
të varfër edhe cikërrimat e fundit prej xhepit.
Në
tërë Kosovën numërohen në gishtat e duarve
ndërmarrjet që prodhojnë diçka, një qumështore
këtu, një birrari atje, dy-tri firma orendishë që
prejnë, sharrojnë e zdrukthojnë dora vetë kopje
orendishë perëndimore në oborret e ndërmarrësve.
Dhe, mu në mesin e vobegtësisë, nja dy-tri firma
të dizajnit interaktiv, që duken si inserte surrealiste
në amullinë kosovare.
Protesta
në Evropë - e jo në Kosovë!
Se
si u ka shpëtuar Kosova trazirave sociale pas konvertimit në
euro, këtë sdi të ta thotë saktësisht
njeri i gjallë. Por, shumëkush bën me gisht drejt
disa faktorëve. E para është mefshtësia e llogaritur
e partive vendore politike. Ato se kanë tia dëftojnë
zgjedhësve të vet as edhe një sukses të vetëm
për be që të jetë arritur që prej shporrjes
së okupacionit e këtej. Andaj, atyre u konvenon që
ti duartrokasin rrobat e reja të perandorit. Mbase
sna lënë të hyjmë në Evropë
për dere, por ne futemi për dritare [lexo: përmes
euros] , - ky qe komenti standard i kosovarit në rrugë
gjatë ditëve të para të euros; kosovari i shkretë
si duket kish harruar, që dyert e dritaret i ngatërrojnë
vetëm hajnat!
E
dyta, që duhet përmendur patjetër, është
se misioni i OKB-së ka ndërtuar një autokraci dorëfortë
në Kosovë, e cila ia ka thyer kurrizin të gjithë
oponentëve të vet vendorë. Në një vend
ku policia të rrah e të arreston, e shefi i UNMIK-ut të
mban në burg pa gjyq -madje edhe kundër vendimit të
gjyqit- me vjet të tëra, ska shumë njerëz
që guxojnë ti vënë në pikëpyetje
të vërtetat standarde të servuara prej ndërkombëtarëve.
Në
vendet tjera, të cilat kanë ekonomi shumë më
të fortë se sa Kosova, protestat kundër euros janë
element standard i jetës politike. Në Greqi, blerësit
privatë bojkotuan në shenj proteste për një
ditë të tërë shitoret vendore, pas rritjes së
çmimeve mëse 100 përqind.
Introdukta
e euros ka shkaktuar probleme edhe në vendet të cilat
e kanë advokatuar ekzistencën e saj. Gjermania, Franca,
Italia, e Belgjika, të gjitha janë në prag të
braktisjes së politikës së përbashkët ekonomike,
që presupozon maks 3 përqind deficit e 1.5 përqind
inflacion vjetor. Portugalia, një tjetër vend që
shpresonte shumë te introdukta e euros, u eksponohet tani dënimeve
kolektive nga partnerët në BE për shkak se ska
mundur dot ta bëjë zap krizën e shkaktuar pas introduktës
së euros.
|